MAYNILA — Naganap ang malakas na pagputok ng Bulkang Kanlaon makalipas ang apat na taong abnormal condition at period of unrest nitong Lunes, June 3.

March 2020 pa nang nagtaas ng alert level 1 ang Philippine Institute of Volcanology and Seismology (PHIVOLCS) dahil sa volcanic earthquake at pamamaga bunsod ng hydrothermal activity.

Ayon sa PHIVOLCS, huling pumutok ang bulkang Kanlaon noong December 9 at 20, 2017. 

Pitong taon ang lumipas, nitong Lunes ang ika-43 na naitalang pagputok mula 1866.

Nakaranas ng ash fall ang mga barangay sa La Castellana na siyang pinaka-high risk. Ganoon din ang La Carlota at Bago sa Negros Occidental.

Nadaanan din ang La Castellana at Canlaon City ng pyroclastic density current o ang pag-agos ng mainit na gas at volcanic matter na umabot ng tatlong kilometro mula sa bunaganga ng bulkan.

Dahil dito, pinag-iingat ng Department of Health ang publiko.

– Ulat ni Michael Delizo, Patrol ng Pilipino

 

Tubig na may kasamang abo, rumagasa malapit sa paanan ng Mt. Kanlaon

Torrent of volcanic mudflow from Kanlaon hits village 

Quiet, but still dangerous: Phivolcs says Kanlaon may still erupt