Push Admin

Paghahain ng arrest warrant sa Tondo, nauwi sa engkwentro; 2 patay, 4 sugatan

Article (news)

Job Manahan

ABS-CBN News

MAYNILA – Nauwi sa madugong engkwentro ang paghahain sana ng arrest warrant sa isang lalaki sa Tondo, Maynila nitong Huwebes ng gabi.Dalawang armado ang napatay at apat na pulis ang nasugatan.Kita sa video na ibinahagi ng Barangay 135, Manila ang nasugatang pulis. Maririnig din ang putok ng mga baril.Sa kuha ng CCTV, makikita ang palitan ng putok ng mga pulis at dalawang lalaki.Tinamaan pa ng bala ang isang sasakyan. Napatay ng mga pulis ang target ng arrest warrant at ang umano’y kasama niya nang magpaputok ng baril sa mga miyembro ng Manila Police District (MPD).May kasong murder ang target na lalaki, sabi ni MPD chief PBGen. Arnold Thomas Ibay. “Itong suspek natin at kanyang grupo ay involved sa drug trafficking, gun-for-hire, at illegal drugs. Itong suspek natin ay suspect sa several na pagpatay dito malapit sa area. Mayroon siyang pinatay na dalawa,” ani PBGen. Ibay. “Ang reported natin ay may pinatay siya noong March, noong December, April, at ang latest ay June 21. Mayroon siyang binaril dito,” dagdag niya. “Ito yung mga nage-emerge na criminal gangs dito sa area na involved sa illegal drugs. Tinutugis pa natin ang mga kasamahan nila,” aniya. Ikinandado umano ng dalawang lalaki ang pintuan ng bahay na kanilang tinutuluyan nang ihain ang arrest warrant at nang pasukin ng SWAT ay nagkapalitan na ng putok.“Kaya nagkaroon ng pagkakataon na umakyat sa second floor, tumalon sa bintana, at lumipat sa isang bahay. Noong sinundan noong mga pulis natin. Mayroon naman tayong tracking force, doon na nila pinutukan. Mayroon tayong mga na-injure na police officers,” sabi ng MPD District Director. Sa kalagitnaan ng engkwentro, nakapagbato pa ng granada ang isa sa mga armado. Mabuti na lang hindi ito sumabog, narekober agad ng Explosive Ordnance Division at na-detonate Biyernes ng madaling araw. Nasa kustodiya na ng MPD ang isang babae na nagsara umano ng pintuan saka ikinandado ng dalawang lalaki.Live-in partner umano siya ng lalaking target ng arrest warrant.Nang tanungin ang babae kung itinago ba niya ang mga armado, sabi niya, “No comment.” <div dir="ltr">MGA SUGATANG PULIS</div>Apat sa mga rumespondeng pulis na sina PMaj. Dave Apostol, PCpl. Julius Emil Omolon, PCpl. Keith Valdez, at ang team leader ng operasyon na si PLtCol. John Guiagui, ang nasugatan sa engkwentro.Halos lahat tinamaan sa paa. Tinamaan ng shrapnel sa kaliwang kamay si Guiagui. “During the gunfight, kasi noong bumabaril siya, kahit saan na lang niya itama,” ani Guiagui.“We planned pa kagabi ito. Mula June 21 talaga hindi na namin binitawan. Last night, nagbabanta siya na maghagis ng granada base sa conversation na ipinasa sa amin (ng intel). Kanina, namataan na natin siya sa bahay ng kinakasama niya so we planned for it,” dagdag niya. Dagdag ni Guiagui, malaking kabawasan sa krimen ang pagkamatay ng dalawa, lalo na’t itinuturing lider ng criminal group ang isa sa kanila. “Mababawasan ang patayan na nangyari dito sa Tondo. Makakahinga ang mga tao dito, mababawasan ang pangyayari na barilan. But we will not stop from there dahil mayroon pa kaming hinahanap na iba,” dagdag niya.Nananawagan ang pulisya na sumuko na ang iba pang miyembro ng grupo.

Nauwi sa madugong engkwentro ang paghahain sana ng arrest warrant sa isang lalaki sa Tondo, Maynila nitong Huwebes ng gabi.

Nauwi sa madugong engkwentro ang paghahain sana ng arrest warrant sa isang lalaki sa Tondo, Maynila nitong Huwebes ng gabi.