Push Admin

Article (news)

Kaklase umano ni Guo Hua Ping lumutang

Zyann Ambrosio

ABS-CBN News

Agad na hinagilap ni alyas Ching ang mga lumang class pictures niya nang makita sa social media ang sinasabing grade 1 class picture ni Guo Huang Ping, na pinaniniwalaang si Mayor Alice Guo sa Grace Christian High School sa Sto. Domingo, Quezon City, na ngayo&#x27;y Grace Christian College na.“Classmate ko siya, nag-circulate na ang news sa aming community. Initially when the news came in, nag-ring na &#x27;yong bell na Hua Ping,&quot; ani Ching.Naalala niya na kaklase niya si Ping noong Grade 2. Hindi umano Alice ang tawag nila noon sa kanya kundi “Ping”.Kwento ni Ching, isa sa pinakamatandang estudyante sa kanilang English class sa morning shift si Ping. Pero nasa normal class level naman siya o Grade 5 sa kanilang Chinese class na afternoon shift.“Si Guo Hua Ping, 16 years younger sa akin kaya malayo na &#x27;yong aming age gap kahit same school kami pero noong nag-aral siya ng Grade 1, 10 years old na siya eh,&quot; ani Sen. Sherwin Gatchalian, na nagtapos sa Grace Christian.&quot;Kung titlingnatin &#x27;yong timeline dapat Grade 1 (6 years old ka lang). Pero dahil nga hindi siya marunong mag-English at Tagalog , binalik siya sa Grade 1 as supposed to Grade 4 na siya o Grade 5,” ani Gatchalian.Ayon nga kay Ching, hirap magtagalog si Ping noon. “Nagtatagalog siya, pero sobrang bulol,” ani Ching.Dahil siya ang pinakamatanda klase, isa umano si Ping sa kanilang kinakatakutan.&quot;Baka matawa kayo pero talagang nangungurot siya kung hindi mo pahiramin ng pencil eraser. Parang powertripping... ako hinihingan niya ng pencils at erasers,&quot; ani Ching.Madalas rin umano kumain sa klase si Ping.Inamin ni Ching, nagdalawang isip sila na magbigay ng panayam dahİl natatakot sila sa kanilang seguridad.“We want to remain anonymous for our safety, ayaw madamay. Nakakatakot din kung may connection sa POGO, pano na &#x27;yong mga connection niya within our community,”  ani Ching.Pero nagpapasalamat si Sen. Gatchalian sa mga tulad ni Ching na ibinabahagi ang katotohanan kaugnay sa pagkakakilanlan ni Guo.“Ito kasi nagko-confirm na hindi siya lumaki sa farm, &#x27;yongfamous kwento niya na lumaki siya sa farm, &#x27;yong teacher Rubilyn ang nagturo sa kanya... walang katotohanan &#x27;yon lahat &#x27;yon ay kasinungalingan,&quot; anang senador.May ilan pa umano sa kanilang mga naging kaklase ni Ping na gustong magpatunay kung ano ang tunay na pagkakakilanlan ni Mayor Alice Guo.

Kinilala ng isang dating kaklase ni Guo Hua Ping o pinaniniwalaang si Mayor Alice Guo na nagkasabay silang mag-aral noon sa isang eskwelahan sa Quezon City.

Kinilala ng isang dating kaklase ni Guo Hua Ping o pinaniniwalaang si Mayor Alice Guo na nagkasabay silang mag-aral noon sa isang eskwelahan sa Quezon City.