Push Admin

Pulis, 2 kasamahan, timbog sa Taguig sa iligal na pagbebenta ng baril

Article (news)

Job Manahan

ABS-CBN News

<p>MAYNILA — Timbog nitong Martes sa entrapment operation sa Taguig ang tatlong indibidwal, kasama ang isang pulis, dahil umano sa iligal na pagbebenta ng baril. </p><p>Nakumpiska sa mga suspect ang dalawang caliber 9mm, isang M16 rifle, mga bala, at P2,000 marked money na ginamit sa entrapment operation.</p><p>Ang isang pistol na nasabat, mayroon pang logo ng Armed Forces of the Philippines (AFP).</p><p>Walang palag ang tatlong suspek nang ma-aresto ng pulisya sa Barangay. Cembo sa Taguig. Ilang buwan silang minanmanan at bineripika ng pulisya.</p><p>Sabi ni PMaj. Maynard Pascual, acting chief ng District Special Operation Unit (DSOU) ng Southern Police District, ilegal na pinagbebenta ng mga suspect ang mga baril online.</p><p>Sa Calabarzon at iba&#x27;t ibang bahagi ng Metro Manila ang area of operation ng mga suspek.</p><p>May ranggong police staff sergeant ang pulis na nahuli.</p><p>&quot;This is in preparation for 2025 elections... yung pulis na isang suspek ay active, assigned siya sa ating regional [personnel] holding and accounting section of NCRPO,&quot; ani Pascual.</p><p>&quot;Itong pulis na ito ay may pending case na illegal discharge of firearms,&quot; aniya.</p><p>Aabot sa P90,000 ang bentahan ng mga suspek ng pistol at hanggang P250,000 naman sa rifle, sabi ng PNP.</p><div><a href="https://news.abs-cbn.com/news/2024/6/8/higit-p181k-halaga-ng-hinihinalang-shabu-nasabat-sa-taguig-2-arestado-823">BASAHIN: Higit P181K halaga ng hinihinalang shabu nasabat sa Taguig; 2 arestado</a></div><p>&quot;Actually, may clients siya online. Kahit sinong gusto bumili sa kanila, makaka-connect sa kanila, puwede nila pagbentahan as long as may pera,&quot; dagdag ni Pascual.</p><p>May mga ideya na ang PNP kung saan galing ang mga baril. Iniimbestigahan na rin nila ang isang baril na may logo ng AFP.</p><p>&quot;We will request for verification (sa) records ng baril at kung sino ang may-ari and turn over to our forensic for possible examinations,&quot; ani Pascual.</p><p>&quot;Andoon yung logo ng AFP but we will wait for verification. Kanino ang baril, may-ari ng baril na yun na may AFP logo,&quot; dagdag niya.</p><p>Bineberipika pa ng pulisya kung lisensyado ang mga ito.</p><p>Delikado ang iligal na pagbebenta ng mga baril, sabi ng PNP.</p><p>&quot;It will cause harm at talagang makakapatay ito... Can you imagine that the M16 rifle, kapag ginamit yan, talagang maraming buhay ang mawawala kung talagang magagamit ito sa masama,&quot; sabi niya. </p><p>Tumanggi ang mga suspek sagutin ang tanong ng media pero sabi ni Pascual, base sa kanilang ibinigay na pahayag sa pulisya, aminado ang mga ito sa krimen. </p><p>Kasalukuyan silang nakadetene sa Southern Police District at nahaharap sa  reklamong paglabag sa Republic Act 10591 o Comprehensive Firearms and Ammunition Regulation Act.</p><div><br/></div><div><strong>RELATED VIDEO</strong></div><div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/cN71CrB7DX0?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div><div><br/></div>

<p>Nakumpiska sa mga suspect ang dalawang caliber 9mm, isang M16 rifle, mga bala, at P2,000 marked money na ginamit sa entrapment operation.</p>

Nakumpiska sa mga suspect ang dalawang caliber 9mm, isang M16 rifle, mga bala, at P2,000 marked money na ginamit sa entrapment operation.