Push Admin

Mahigit 500 inmate sa San Mateo, apektado ng habagat, bagyo

Generic thumbnail for jail. Jail thumbnail

Article (news)

THUMBNAIL-JAIL

Zyann Ambrosio

ABS-CBN News

Naglakad mula sa kanilang detention facility ang mga imate o &quot;Persons Deprived Of Liberty&quot; (PDLs) mula sa municipal jail ng San Mateo patungo sa isang eskwelahan na pansamantalang ginawang detention facility sa kasagsagan ng habagat at bagyong Carina nitong Miyerkoles.Nasa mahigit 500 PDLs ang inilikas sa Ynares Elementary School matapos pasukin ng tubig ang kanilang mga kulungan. &quot;Pag nasa critical level nag pe-prepare na kami for evacuation. Yung tubig dito sa jail lampas-tao na, So di na umabot ng lampas-tao nailikas na namin,&quot; ayon kay Jail Chief Inpector Alex Vega.Nitong Huwebes nang bahagyang umaraw, ibiniyahe na pabalik ang ilan sa mga PDL sa municipal jail. Nasa 400 pa ang naiwan sa nasabing eskwelahan hanggang sa ngayon.&quot;Usually pag may kalamidad walang pasok, kaya yung classroom pinapa-gamit, magagamit nila yung class room para sa evacuation center,&quot; ayon kay Vega.Maging ang mga PDL ay nahihirapan na sa ganitong palipat-lipat  ng pwesto tuwing may kalamidad. Ayon sa BJMP, ang San Mateo Jail ay ang pinaka-congested na kulungan sa buong bansa. Nasa 25 lang umano ang capacity ng kulungan pero 500 ang nakakulong ngayon.Binaha rin ang Manila City Jail.“Baha po sa lahat ng selda dito.  Kagaya ng ibang lugar dito sa Metro Manila mahina ang ating drainage. Pero sinosolusyonan na natin gamit ang water pump Para yung tubig dito na galing sa tubig baha mailabas po,” ayon kay JO1 Christian Velino ng Manila City Jail.Dahil baha sa loob ng Manila City Jail, bawal ang face-to-face na pagbisita. Kaya ang sistema nila, nilalagay ang mga pagkain sa rescue boat na dadalhin naman sa mga brigada — dahil ang dinadaanang plaza ay hanggang tuhod ang tubig baha.Para iwas sakit, pinainom ng gamot sa mga PDL at maging sa BJMP officials laban sa leptospirosis.&quot;Binigyan natin pangotra ng kontra leptospirosis kasi lahat ng selda binaha,&quot; ayon kay Velino.  May nakahanda na rin silang life vest kung tumaas pa rin ang tubig at sakaling matindi na talaga ang pagbahaAyon sa BJMP, maliban sa San mateo at sa Maynila, maraming mga kulungan sa Metro Manila ang binaha.Samantala, sinabi ni Bureau of Corrections Director General Gregorio Pio P. Catapang Jr. na lahat ng PDL sa kanilang nasasakupan ay ligtas sa sakuna na dala ng Carina.&quot;Except for the perimeter fence at the CIW Medium Security Compound which sustained minimal damage... this has been reinforced to ensure security and containment, all the other OPPFs (operating prison and penal farm) have no significant incidents reported,&quot; ani Catapang.Sinabi niyang noong Miyerkoles pa nila inilagay ang mga OPPF sa &quot;heightened alert status&quot; hanggang nakalabas na ang bagyo sa Pilipinas.Ang mga OPPFs na nasa pangangalaga ng Bucor ay ang mga sumusunod: <ul><li>• New Bilibid Prison sa Muntinlupa City</li><li>• Correctional Institution for Women (CIW) sa Mandaluyong City</li><li>• Iwahig Prison and Penal Farm sa Puerto Princesa, Palawan</li><li>• San Ramon Prison and Penal Farm sa Zamboanga City</li><li>• Sablayan Prison and Penal Farm sa Occidental Mindoro</li><li>• Leyte Regional Prison sa Abuyog, Leyte</li><li>• Davao Prison and Penal Farm sa Davao</li></ul>

Ayon sa BJMP, ang San Mateo Jail ay ang pinaka-congested na kulungan sa buong bansa. Nasa 25 lang umano ang capacity ng kulungan pero 500 ang nakakulong ngayon.

Ayon sa BJMP, ang San Mateo Jail ay ang pinaka-congested na kulungan sa buong bansa. Nasa 25 lang umano ang capacity ng kulungan pero 500 ang nakakulong ngayon.