SINGAPORE — Nakasungkit ng overall wins ang dalawang Filipino Math wizards sa 2024 Singapore International Math Olympiad Challenge o SIMOC. 

Wagi ang estudyanteng si Nathan Gohoc bilang Overall Champion for Grade 4 habang Overall First Runner-Up for Grade 7 naman si Carsten Edmund Ang.

Ginanap ang awarding ceremony noong July 23 sa Singapore Star Theatre.

Mga nagwagi sa 2024 Singapore International Math Olympiad Challenge

Tumanggap sina Gohoc at Ang ng mga medalya, tropeyo at certificates.

Ayon pa sa Embahada ng Pilipinas sa Singapore, ang SIMOC ay isang prestihiyosong taunang kompetisyong nilalahukan ng mga batang math enthusiasts mula sa buong mundo.

At ngayong ika-10 taon nito ang may pinakamaraming lumahok na umabot sa halos 2,000 estudyante mula sa 32 bansa.

Ang delegasyon mula sa Pilipinas ay binuo ng 58 estudyante mula Grade 1 hanggang Grade 12 na galing sa iba't-ibang  elementary at high school sa Pilipinas.  

Binati ni Philippine Ambassador Medardo Macaraig ang mga delegado mula sa Pilipinas hindi lamang sa kanilang kagalingan sa Math kundi pati na sa kanilang ipinakitang teamwork at sportsmanship.