Push Admin

Truck driver na hinuli, hinabol ng kutsilyo ang enforcer sa Panabo City

Article (news)

Hernel Tocmo

Sa halip na habulin ng traffic enforcer ang violator, naging baliktad ang nangyari sa national highway sa Panabo City, Davao del Norte kamakailan (Agosto 8) matapos habulin ng patalim ng isang truck driver ang humuli sa kanyang enforcer.Makikita sa CCTV video ang traffic enforcer na naglalakad matapos hulihin ang driver ng truck dahil hindi umano naka-seatbelt ang pasahero nito.Pero sumugod ang driver ng truck dala ang kutsilyo nito at nagkahabulan sa highway.Nagpaikot-ikot pa ang dalawa sa isang tent hanggang sa nahuli ng mga kapwa traffic enforcer ang truck driver.Nagkaharap sa city mayor&#x27;s office ang truck driver na si Ruel John Barquin at traffic enforcer na si Marvin Ranes.Napaiyak ang truck driver sa pagsisisi at humingi ng tawad sa ginawa nito sa traffic enforcer.&quot;Mangayo ko og pasaylo labi na sa TMU ug sa LGU Panabo. Nakalapas gyud ko sa balaod, nakasukol ko tungod ra pud sa emosyon nga dala nako nga naglalis mi sa akong asawa sa balay unya nadala nako sa trabaho, aburido akong ulo,&quot; ani Barquin.(Humihingi ako tawad lalo na sa TMU at LGU Panabo. Lumabag talaga ako sa batas, nanlaban ako dahil din sa emosyon na dala ko mula sa pag-aaway namin ng aking misis sa bahay at nadala ko ito sa trabaho. Naging aburido ako.)Tinanggap naman ng traffic enforcer ang public apology ng driver.Pero ayon sa Land Transportation Office, kahit nagkaayos na ang dalawang panig, mananatili pa rin ang mga reklamo nito dahil sa paglabag sa batas.&quot;Dili lang man na normal nga ang usa ka driver, atakehon niya ug naay attempt to threat, grave threat iyang gibuhat sa among enforcer,&quot; ayon kay Cary King Cuerpo, District Law Enforcement Office ng LTO Panabo.(Hindi ito normal na ang isang driver na sugurin niya at magbanta. Grave threat ang ginawa niya sa aming enforcer.)Panawagan naman ng LTO sa mga motorista na kung mayroong paglabag sa batas trapiko, bigyan pa rin ng respeto ang traffic enforcer dahil trabaho lamang nila ito.

Sa halip na habulin ng traffic enforcer ang violator, naging baliktad ang nangyari sa national highway sa Panabo City, Davao del Norte kamakailan.

Sa halip na habulin ng traffic enforcer ang violator, naging baliktad ang nangyari sa national highway sa Panabo City, Davao del Norte kamakailan.