Push Admin

Bamban, Tarlac Mayor Alice Guo in a Senate hearing in Pasay City on May 22, 2024. Mark Demayo, ABS-CBN News

Article (news)

Mayor Alice Guo

Zyann Ambrosio

ABS-CBN News

(UPDATED) Kinumpirma ng ilang ahensya ng gobyerno na nakalabas na ng bansa si dating Bamban, Tarlac Mayor Alice Guo sa kabila ng immigration lookout bulletin laban sa kanya. Pero tila blangko pa rin sa detalye ang mga awtoridad kung paano nakapuslit palabas ng bansa si Guo. Sagot ng Bureau of Immigration, maaaring sa backdoor o sa katimugang bahagi ng Pilipinas lumusot ang dating alkalde. &quot;Maaari pong private aircraft sa isang private airstrip (jc) Pwedeng rin naman pong inabuso yong ating porous borders (jc) at tumawid po via seacraft papunta po sa bansang Malaysia. (jc) definitely po may tumulong sa kanya, at may pumikit, at may hindi ginawa ang kanilang trabaho,&quot; ayon kay Dana Sandoval ng Bureau  of Immigration. Ayon sa Presidential Antİ-Organized Crime Commision (PAOCC) unang pumunta si Guo sa Denpasar, Bali, Indonesia noong July 17.&quot;She arrived in Denpasar, Bali, Indonesia in July 17 pero ang tanong, kelan siya umalis ng Pilipinas? Wala tayong immigration record na lumalabas kung kelan siya umalis ng Pilipinas,&quot; ayon kay Winston Casio ng PAOCC. Mula Indonesia, bumiyahe si Guo patungong Kuala Lumpur, Malaysia noong July 18.At saka tumuloy sa Singapore noong July 21.  Nagtagal umano siya rito ng halos isang buwan. Ibinulgar ni Senator Rissa Hontiveros na nakipagkita si Guo sa kanyang mga kapamilya sa Singapore. Ayon sa mga otoridad, kabilang dito ang kanyang kapatid na si Siemen at Wesley guo.  Kasama pa ang girlfriend ni Wesley na si Cassy Li Ong &quot;Mistulang reunion sila doon kasama sina Wesley Guo at si Cassandra Ong,&quot; ayon kay Senator Risa Hontiveros. Ayon sa PAOCC, batay sa mga larawang ipinadala ng Singapore Immigration, mga philippine passports ang ginamit nina Alice Guo at mga kapatid na sina Shiela at Wesley nang dumating sa Singapore.   August 18 ng umaga, sama-sama ang pamilya na sumakay ng ferry mula Sİngapore patungong Batam Island sa Riau Province sa Indonesia. &quot;I think ang ginagawa nila sa ngayon is hopping from one Asian country to another, siguro buying time para doon sa kanilang kaso while they are strategizing yung measures na kanilang gagawin,&quot; ayon kay Sandoval. Ito na ang huling lugar na napag-alamang pinuntahan ni Alice Guo. Gayunpaman, sabİ ni NBI Director Jaime Santiago, hanggat wala pang personal na nakapagsasabi na nakita nila mismo si Alİce Guo ay hindi pa nila makukumpirmang nakalabas na siya ng bansa. “I&#x27;m sorry but we are still confirming the veracity the truthfulness of the report. We are still conducting our personal knowledge na makausap yung mga officers ng Malaysia and Indonesia. As of now balita pa lang, documents but then wala pa rin nag testify that they personally saw Alice Guo there.  Natatandaan nyo may nag apply pa na Alice Guo na ibang mukha syempre mga Indonesian, Malaysian hindi kilala kung sino si  Alice Guo.  But then iveverify namin mabuti yan at kayo ang unang makakaalam kung totoo ba o hindi,&quot; ayon kay NBI Director Jaime Santiago.   Ayon kay Santiago, kung sakaling nakalusot umano si Guo, pwede siyang ilagay sa blue notice.&quot;Kung nakalusot siya nakakahinala bakit siya nakalabas but then ang next move namin is to request counterparts namin na magkaroon ng blue notice.&quot; &quot;Red notice para sa mga kriminal cases pero wala pa namang criminal case,&quot; ayon kay Santiago.Ipapa-subpoena naman ng NBI si Atty. Elmer Galicia na nag-notaryo para kay Alice Guo nito lang August 14.&quot;We are checking that we will summon or subpoena Atty Galicia if he is telling the truth. Pagka nagpapa notario dapat personally appear before you yun ang acknowledgment namin sa aming mga notario kailangan personally mag appear.  That is a very violation ng aming ethics o notarial services,” ayon kay Santiago. Ipinag-utos na rin ni Justice Secretary Jesus Crispin Remulla na imbestigahan ang pagpuslit ni Guo. “Kaugnay nito, ipinag-utos ni Secretary Remulla ang isang malalimang imbestigasyon tungkol sa umano’y pag-alis ni Guo ng bansa. Matatandaan na si Guo ay inilagay sa Immigration Lookout Bulletin na nag u-utos sa mga awtoridad na bantayan ang dating mayor at wag hayaan makalabas ng bansa,” ayon kay DOJ USec. Marge Gutierrez. Hiniling naman ni Executive Secretary Lucas Bersamin sa Department Of Foreign Affairs at kay DOJ Secretary Remulla ang pagkansela ng pasaporte ni Guo, ng kanyang mga kapatid, at maging kay Cassy Li Ong.

Kinumpirma ng ilang ahensiya ng gobyerno na nakapuslit na ng ibang bansa si dating Bamban Mayor Alice Guo.

Kinumpirma ng ilang ahensiya ng gobyerno na nakapuslit na ng ibang bansa si dating Bamban Mayor Alice Guo.

Ilang gov't agency kinumpirmang nakalabas ng bansa si Alice Guo

News

Entertainment

Lifestyle

Sports

Metro.Style

More

Traffic

Manila

Horoscope

News

Ilang gov't agency kinumpirmang nakalabas ng bansa si Alice Guo

Zyann Ambrosio,

ABS-CBN News

Published Aug 20, 2024 06:51 PM PHT

|

Updated Aug 20, 2024 07:26 PM PHT

Read More:

Tagalog news

Alice Guo

POGO

Bureau of Immigration

Department of Justice

National Bureau of Investigation

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.