Push Admin

Ilang tsuper, operator nagtipon para igiit na ituloy ang PUV modernization program

Article (news)

ABS-CBN News

Lyza Aquino

<p>MAYNILA — Mahigit 100 na tsuper at operator ang nagtipon sa Welcome Rotonda sa Quezon City ngayong araw bilang protesta sa inihain na resolusyon ng Senado na suspendihin ang Public Transport Modernization Program (PTMP).</p><p>Ang resolusyon ay isang paglalahad ng sentimiyento o posisyon ng Senado. Hindi nito mapipigilan mismo ang PTMP ng Department of Transportation.</p><p>Kahit masama ang panahon ay tuloy ang maikling programa nila sa lugar dakong 6 ng umaga.</p><p>Sinundan ito ng isang &quot;Unity Walk&quot; kung saan magmamartsa sila mula sa Welcome Rotonda patungong Mendiola.</p><p>Ayon kay Ed Comia, convenor ng Angat Kooperatiba at Korporasyon ng Alyansang Pilipino (AKKAP MO), ilang ruta rin ng modern jeep ang hindi bumiyahe ngayong araw tulad ng sa San Jose del Monte sa Bulacan, at sa Antipolo at Montalban sa Rizal.</p><p>Apektado rin ang ilang ruta sa mga lungsod ng Caloocan at Las Piñas. </p><div style="margin-bottom:0px;line-height:normal"><a href="https://news.abs-cbn.com/news/2024/8/5/-walangpasok-class-suspensions-on-monday-august-5-854">#WalangPasok: Class suspensions on Monday, August 5</a></div><div style="margin-bottom:0px;line-height:normal"><br/></div><p style="margin-bottom:0px;line-height:normal">Humihingi rin sila ng paumanhin sa mga naapektuhang pasahero. </p><div style="margin-bottom:0px;line-height:normal"><br/></div><p style="margin-bottom:0px;line-height:normal">May panawagan din sila kay Pangulong Ferdinand Marcos Jr:</p><div style="margin-bottom:0px;line-height:normal"><br/></div><p style="margin-bottom:0px;line-height:normal">&quot;Malinaw ang mensahe na gusto namin iparating sa Pangulo kinakailangan na huwag niyang pakinggan ang rekomendasyon ng Senado na ibasura niya ito at pagbigyan niyang umusad ang modernization program.”</p><div style="margin-bottom:0px;line-height:normal"><br/></div><p style="margin-bottom:0px;line-height:normal">Ayon kay Comia, ang pagsali nila sa PTMP — na mas kilala bilang Public Utility Vehicle Modernization Program — at ang pagsulong ng implementasyon nito ay para rin sa mga pasahero.</p><div style="margin-bottom:0px;line-height:normal"><br/></div><p style="margin-bottom:0px;line-height:normal">Nakapuwesto naman sa lugar ang mga tauhan ng Metropolitan Manila Development Authority, QC Task Force for Traffic Management at Manila Police District personnel upang masigurong hindi makaabala sa mga commuter ang kilos protesta.</p><div style="margin-bottom:0px;line-height:normal"><br/></div><p style="margin-bottom:0px;line-height:normal">Noong Hulyo 24 ay nilagdaan ng 22 senador ang Resolution no. 1096 na nagrerekomenda na suspendihin muna ang pagpapatupad ng PTMP, habang pinaplantsa pa ang mga isyu ng ilang mga apektadong unconsolidated drivers hinggil sa nasabing programa.</p><div><br/></div><div><strong>IBA PANG ULAT</strong></div><div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/YNPfcBNXz8Q?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div>

<p>Ayon kay Ed Comia, convenor ng Angat Kooperatiba at Korporasyon ng Alyansang Pilipino (AKKAP MO), ilang ruta rin ng modern jeep ang hindi bumiyahe ngayong araw.</p>

Ayon kay Ed Comia, convenor ng Angat Kooperatiba at Korporasyon ng Alyansang Pilipino (AKKAP MO), ilang ruta rin ng modern jeep ang hindi bumiyahe ngayong araw.