MAYNILA — Naubos ang pasensya ng ilang senador matapos tanggihan pa ring sagutin ni dating Bamban, Tarlac Mayor Alice Guo ang mga katanungan sa kanyang totoong pagkatao, higit isang buwang pagtatago, at koneksyon sa ilegal na POGO nang muli siyang humarap sa pagdinig ng Senado noong September 9.

Paulit-ulit na iginiit ni Guo na hindi siya pwedeng sumagot sa mga alegasyon laban sa kanya dahil may mga nakabinbin siyang kaso. 

Inusisa rin ang nasa P1.9 bilyon na perang pumasok sa bank accounts ni Guo at nasa P3 bilyon naman sa kanyang farm mula 2018 hanggang 2024, pero pinabulaanan niya ito.

Inilipat naman sa Valenzuela RTC mula Capas, Tarlac ang mga kasong graft ng sinibak na alkalde. 

Samantala, isa pang kaso ang ihahain ng DOJ laban sa sinibak na dating alkade, bagay na sinusuportahan ni Senate Majority Floor Leader Francis Tolentino para masiguro na hindi marerepaso ang naturang kaso.

Sa ngayon, mananatili si Guo na nakadetine sa custodial center ng Philippine National Police sa Camp Crame sa kabila ng patuloy na paghiling ng Senado na malipat ang kustodiya ni Guo sa kanila. 

– Ulat ni Victoria Tulad, Patrol ng Pilipino

Video produced & edited by Jann Conrad Bonifacio

Guo camp files counter-affidavit on Comelec 'misrepresentation' case

Alice Guo's lawyer renews her appeal for Senate executive session

'Lying' Alice Guo cited in contempt anew as Senate seeks custody

Alice Guo faces fuming senators after escaping probe

Alice Guo nangangamba sa ‘death threats’