MAYNILA — Iniimbestigahan ng PNP kung may active member o dating miyembro ng uniformed service na kalahok sa tinatawag na "Angels of Death" na ginawang panakot umano sa mga nabikita ng pang-aabuso ni Kingdom of Jesus Christ leader Pastor Apollo Quiboloy.

Ayon kay PNP PIO Acting Chief at Spokesperson Col. Jean Fajardo, may hawak na ngayon na listahan ang Davao PNP na beneberipika na at nagsasagawa na ng background check at profiling para alamin kung miyembro ba talaga ang mga ito ng umano'y private army ni Quiboloy.

Giit ni Fajardo hindi lamang limitado sa sibilyan ang kanilang imbestigasyon kaya kabilang din aniya sa inaalam ng PNP kung may active o retired police personnel na kasapi at kung ano ang naging partisipasyon ng mga ito.

Army investigates reservists' alleged involvement with Quiboloy’s ‘Angels of Death’

"There is also a possibility na baka merong mga retired or even active members ng uniformed services but right now hindi pa natin mai-reveal kung ano-ano ba yung mga profile nitong mga sinasabi na mga miyembro diumano ng 'Angels of Death'," sabi ni Fajardo.

Sinabi ni Fajardo na sakaling may mapatunayan na miyembro ng uniformed service na sangkot, pananagutin nila ito.

Mga biktima umano ni Quiboloy, tinakot tutugisin ng 'angels of death'

Maaring humarap sa reklamong obstruction of justice ang mga mapatunayang miyembro ng "Angels of Death" na humadlang sa operasyon ng PNP na mahanap si Quiboloy, ani Fajardo.

"With respect doon sa possible involvement as members nitong 'Angels of Death', that will be a separate offense and if it can be proven na meron silang hinarm, tinakot o nagamit sila to inflict harm or to threaten anyone — particularly those victims na sinasabi na nakaranas ng pang-aabuso kay Apollo Quiboloy then that is a serious offense na hindi natin ito ipagwawalang-bahala," dagdag niya.

Batay sa initial findings ng PNP Civil Security Group, walang record sa Firearms and Explosives Office ang ilan sa nasa listahan.

"Yes, kinukumpirma ko na meron request coming from the city director of [Davao City Police Office] ng mga list of individuals na mga alleged na 'Angels of Death' na kanilang iniimbestigahan sa ngayon," sabi ni PNP Civil Security Group spokesperson Lt. Col. Eudisan Gultiano.

"Some of individuals in the list are licensed and the others walang records sa FEO."

IBA PANG ULAT