Isa pang barge ang sumadsad sa Navotas City nitong Martes, ayon sa Philippine Coast Guard. PCG Facebook

MAYNILA — Isang barge ang sumadsad sa Navotas City nitong Martes, ayon sa Philippine Coast Guard.

• Burning ship in Navotas coast affected by strong waves from Enteng

Rumesponde ang PCG matapos matanggap ang ulat na napigtas ang lubid na nakakabit sa Barge Karangalan 2 dahilan para matangay ito palayo sa San Miguel Corporation (SMC) Shipping Lighterage Wharf sa Tanza bandang alas-6 ng umaga.

Ang barge ay uri ng barko na madalas ginagamit sa mga inland waterway gaya ng ilog. Kadalasan, ito ay hinihila ng iba pang sasakyang pantubig.

• Barge carrier sa Cavite sumadsad dahil sa sama ng panahon

Agad na tumulong ang MTUG Limay 3 para mahila ang barge sa ligtas na lugar pero muli itong natangay at sumadsad sa mababaw na bahagi ng  Pondohan, Tangos North, Navotas City dahil sa lakas ng alon at hangin. 

Kasalukuyan pang mino-monitor ang barge habang hinihintay na gumanda ang panahon.

KAUGNAY NA VIDEO