Chalssea Kate Echegoyen

Crime thumbnail Generic thumbnail for crime

Article (news)

CRIME THUMBNAIL-CRIME

Jeff Caparas

ABS-CBN News

QUEZON CITY — Arestado ang isang lalaki matapos magwala at nangtutok umano ng baril sa isang barangay kagawad, at mambato ng mga sasakyan sa Barangay Amihan, Quezon City hatinggabi nitong Biyernes.Sa CCTV video na nakuha ng ABS-CBN News, makikitang biglang nagpulasan ang ilang kabataang nagpipintura ng basketball court sa Banaba Street matapos dumating ang kanilang kapitbahay na umano’y lasing at armado ng mahabang baril at handgun.Makikita pa sa video na tila ikinasa ng suspek ang isa sa mga baril habang hinahamon ang mga nasa paligid.Narinig din sa video ang paghahamon ng suspek. Ayon sa imbestigasyon ng Quezon City Police District (QCPD), nagalit ang suspek dahil may nagfa-flashlight umano sa kanilang bahay.Habang pabalik sa kanyang bahay, tinutukan pa umano ng suspek ng baril ang barangay kagawad na si Oliver Gordovez na unang rumesponde sa komosyon.“Sinabihan niya ako ‘hoy ikaw, p--t--mo, gusto mo barilin kita?’ Yan ang dialogue niya, so umatras ako dahil may baril yon, natakot din ako at saka tumawag ako sa kapulisan,” ayon kay Gordovez.Pagdating ng mga pulis, hindi agad sumuko ang suspek at nagkulong umano ito sa loob ng bahay.Sa amateur video naman na kuha ng mga residente, makikitang patuloy pa rin ang pagwawala ng suspek kahit naroon na ang mga awtoridad. Mula sa ikalawang palapag ng bahay nito, pinagbabato niya ng iba’t ibang bagay ang mga nakaparadang sasakyan ng mga kapitbahay.Isa sa mga tinamaan ang van ng pamilya Concepcion na nabasagan ng windshield at nayupi ang hood matapos umanong bagsakan ng isang sculpture at LPG tank.“Tignan niyo nga warak na warak, yan po yung binagsakan ng tangke,” sabi ni Nenito Concepcion. Dismayado ang may-ari ng sasakyan dahil dalawang buwan pa lamang umano ang kanilang van at matagal na nilang kakilala ang pamilya ng suspek.“Nakakasama ng loob at wala naman kaming ginawa sa kanya, wala kaming kasalanan. Hindi nga kami lumalabas kagabi, naririnig namin nagwawala siya,” ani Concepcion. Bukod sa van ng pamilya Concepcion, nabasag din ang salamin ng isa pang MPV sa lugar.Dahil pinaniniwalaang armado ang suspek, hindi agad ito pinasok ng mga pulis at magdamag umano itong kinausap at pinakiramdaman.Ayon kay P/Lt. Col. Leonie Ann Dela Cruz, station commander ng QCPD Police Station 9, nag-ingat ang mga awtoridad dahil maaaring wala na umano sa tamang pag-iisip ang suspek.“Pagpunta ko doon, sinalubong ako ng mga kagawad at sabi nila huwag akong lumapit dahil may baril. Parang wala na sa sarili at baka mamaril kaya for security purposes inantay namin at kinausap yung kakilala niyang kagawad,” paliwanag ni Dela Cruz.Bandang alas-siyete ng umaga nang tuluyang sumuko ang suspek sa tulong ng isa ring kagawad. Narekober mula sa suspek ang isang replica sub-machine gun, isang 9mm handgun, at mga bala nito. Nakuha rin sa kalsada ang mga dumbbell plates, sculpture, at LPG tank na ginamit umano sa pambabato sa mga sasakyan.Ayon kay Dela Cruz, may nauna na rin umanong insidente ng pagwawala ang suspek ngunit hindi ito naiuulat noon.“Kitang-kita sa video na dalawa ‘yung hawak niyang baril. Sabi ng kagawad meron na rin previous yan na inaresto dahil sa pagwawala niya at replica rin ‘yung baril noon. Pero kahit replica, doon pa rin tayo sa safety,” dagdag niya.Nakipag-ugnayan na rin umano ang mga pulis sa Firearms and Explosives Office sa Camp Crame upang beripikahin ang mga nakuhang armas.Ayon sa barangay at QCPD, marami nang reklamo laban sa suspek ngunit umaatras umano noon ang mga complainant kaya hindi ito nakakasuhan.Ngayon, tiniyak ng barangay na itutuloy na ang reklamo laban sa suspek.“Ngayon tutuluyan ko siya, dahil bilang kagawad dapat gampanan ko rin yung dapat niyang puntahan. Marami nang kaso sa barangay yan sa blotter book. Walang nangyayari dahil umaatras yung mga nakakalaban niya,” sabi ni Gordovez.Kasalukuyang nasa kustodiya ng Quezon City Police District Station 9 sa Anonas ang suspek habang inihahanda ang mga kasong illegal possession of firearms, alarms and scandal, malicious mischief, at grave threats laban sa kanya.

Arestado ang isang lalaki matapos magwala at nangtutok umano ng baril sa isang barangay kagawad, at mambato ng mga sasakyan sa Barangay Amihan, Quezon City hatinggabi nitong Biyernes.

Arestado ang isang lalaki matapos magwala at nangtutok umano ng baril sa isang barangay kagawad, at mambato ng mga sasakyan sa Barangay Amihan, Quezon City hatinggabi nitong Biyernes.

Lalaki tiklo matapos magwala at manutok ng baril sa Quezon City

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

News

Lalaki tiklo matapos magwala at manutok ng baril sa Quezon City

Jeff Caparas,

ABS-CBN News

Published May 15, 2026 05:33 PM PHT

Read More:

Quezon City

crime

amok

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.