Nanawagan ang Management Association of the Philippines sa Supreme Court na magkaroon ng oral arguments sa kanilang desisyon na nagdedeklarang unconstitutional ang impeachment complaint laban kay Vice President Sara Duterte.

Ayon kay MAP transportation and infrastructure committee chairman Eduardo Yap, napakalawak ng epekto ng desisyon ng Kataas-taasang Hukuman sa ekonomiya at industriya ng bansa,.

“Ang mga investors tinitingnan nila unang-una meron bang plain playing field at kung meron napakaganda. But on the other hand, if business perceives there is no plain playing field then it will be discouraging to do business. Tayo naman ang ating ekonomiya ay nahihirapan tayo. To tell it frankly, sa foreign direct investment humahabol talaga tayo. Ang bawat bilyones ay hinahabol po natin ‘yan,” aniya.

“If we have this situation continue without an open oral arguments especially then the situation will be bad,” dagdag niya.

Ani Yap, magiging maliwanag ang isyu patungkol sa kailan na-initiate ang impeachment complaint laban kay Duterte, lalo na’t apat ang nai-file sa Kongreso.