Eliseo Ruel Rioja

FACT CHECK: Peke ang video ni Zobel na nag-eendorso ng isang investment platform

Pinagsama ang dalawang magkahiwalay na video nina veteran broadcaster Mel Tiangco at magnate Jaime Augusto Zobel de Ayala para pagmukhaing isang panayam tungkol sa isang epektibong investment platform.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/174799342875120250523_Mel Tiangco Deepfake_Main.png" class="fr-fic fr-dib"/></div><p>Pinagsama ang dalawang magkahiwalay na video nina veteran broadcaster Mel Tiangco at magnate Jaime Augusto Zobel de Ayala para pagmukhaing isang panayam tungkol sa isang epektibong investment platform.</p><p>Minanipula ang video ni Tiangco gamit ang artificial intelligence, o AI, para palabasing sinasabi niya ang mga ito: <em>“Thousands of Filipinos over 35 are significantly improving their finances and accessing extraordinary income. The reason, a new financial platform backed by banking institutions.”</em></p><p>Pineke rin ang boses ni Zobel, ang chair ng isa sa pinakamalaking conglomerate na Ayala Corp., para magmistulang ipinaliliwanag niya ang detalye ng kaduda-dudang investment scheme. Maririnig si Zobel na sinasabi ang, <em>“Although it may seem extraordinary, as the chairman of Ayala Corporation, I can assure you that it is completely feasible.”</em></p><p>Ini-upload ang video sa isang Facebook page at sinamahan ng isang link sa diumano’y website ng ABS-CBN News na <em>abs-cbn.com</em>. Pero kapag binuksan ang nasabing link ay dumidirekta ito sa isang website na <em>producfhdc.com</em>.</p><p>Kinumpirma ng AI-detection tool na Hive Moderation na minanipula ang naturang video gamit ang AI.</p><div><img src="https://od2-image-api.abs-cbn.com/prod/editorImage/17479935276712.png" class="fr-fic fr-dib"/> </div><p>Kinuha ang video ni Tiangco sa isang panayam noong <a href="https://youtu.be/rkfSK6Tn_YI?si=NpNFJtdnbc4MRqVq" rel="noopener noreferrer" target="_blank">pumirma siya ng bagong kontrata</a> sa GMA Network noong Abril 2024. Galing naman ang video ni Zobel sa isang <a href="https://www.facebook.com/pcogovph/posts/watch-throughthelens-featuring-ayala-corp-chairman-jaime-augusto-zobel-de-ayala-/898721268947267/" rel="noopener noreferrer" target="_blank">panayam sa kanya tungkol sa State of the Nation Address</a> ni Pangulong Ferdinand “Bongbong” Marcos Jr. noong Hulyo 2024. Ini-upload ng Presidential Communications Office ang naturang panayam.</p><p>Sa manipulado at orihinal na video nina Tiangco at Zobel, kapansin-pansin ang pagkakapareho ng kasuotan nila, ng setup, at ng background.</p><div><img alt="Picture" src="https://od2-image-api.abs-cbn.com/prod/editorImage/17479941308741747994130180.png" style="-webkit-user-drag:none;-webkit-tap-highlight-color:transparent;padding:0px;user-select:text;border:none;white-space:pre !important;--darkreader-inline-border-top:none;--darkreader-inline-border-right:none;--darkreader-inline-border-bottom:none;--darkreader-inline-border-left:none" id="isPasted" class="fr-fic fr-dib" data-darkreader-inline-border-top="" data-darkreader-inline-border-right="" data-darkreader-inline-border-bottom="" data-darkreader-inline-border-left=""/></div><div>Sa pekeng website na gumaya sa istilo at layout ng ABS-CBN News, mababasa ang pangalan ng ineendorsong platform na <em>Immediate 8x Intal</em>. Ang platform na ito ay wala sa listahan ng mga <a href="http://www.amlc.gov.ph/images/PDFs/Main/SEC31Jan25.pdf" rel="noopener noreferrer" target="_blank">rehistradong financing entities</a> ng Securities and Exchange Commission (SEC).<img src="https://od2-image-api.abs-cbn.com/prod/editorImage/17479939473345.png" class="fr-fic fr-dib"/></div><p>Nakadirekta naman ang link ng <em>Immediate 8x Intal</em> sa isang webpage na nanghihingi ng mga sensitibong impormasyon gaya ng buong pangalan at mobile number.</p><p>Sa kanilang opisyal na website, <a href="https://www.sec.gov.ph/investors-education-and-information/investment-scam-checklist/#gsc.tab=0" rel="noopener noreferrer" target="_blank">inaabisuhan</a> ng SEC ang publiko na alamin muna ang pangalan ng tao at kumpanyang nag-aalok ng investment deals para matiyak na rehistrado at awtorisado ang mga ito bago makipag-ugnayan sa kanila.</p><p>Hindi ito ang unang beses na minanipula ang video ng mga lehitimong news personalities at pineke ang website ng ABS-CBN News para magpakalat ng maling impormasyon.</p><div><a href="https://www.abs-cbn.com/news/technology/2025/5/16/fact-check-walang-report-ang-abs-cbn-news-na-nag-eendorso-sa-isang-wifi-modem-2031" rel="noopener noreferrer" target="_blank">FACT CHECK: Walang report ang ABS-CBN News na nag-eendorso sa isang WIFI modem</a></div><div><a href="https://www.abs-cbn.com/news/business/2025/4/28/fact-check-walang-report-ang-tv-patrol-tungkol-sa-isang-bagong-investment-program-1723" rel="noopener noreferrer" target="_blank">FACT CHECK: Walang report ang TV Patrol tungkol sa isang bagong investment program</a></div><div><a href="https://www.abs-cbn.com/news/2024/11/13/fact-check-di-totoo-ang-abs-cbn-report-tungkol-sa-pag-aresto-kay-bo-sanchez-1719" rel="noopener noreferrer" target="_blank">FACT CHECK: ‘Di totoo ang ABS-CBN report tungkol sa pag-aresto kay Bo Sanchez</a></div><p>Ugaliing kumuha ng mga impormasyon sa lehitimong website ng <a href="https://abs-cbn.com/news" rel="noopener noreferrer" target="_blank">ABS-CBN News</a> at sa mga opisyal na social media account ng “ABS-CBN News” sa <a href="https://www.facebook.com/abscbnNEWS" rel="noopener noreferrer" target="_blank">Facebook</a>, <a href="https://x.com/ABSCBNNews" rel="noopener noreferrer" target="_blank">X</a> (dating Twitter), <a href="https://www.tiktok.com/@abscbnnews" rel="noopener noreferrer" target="_blank">TikTok</a>, <a href="https://www.instagram.com/abscbnnews/" rel="noopener noreferrer" target="_blank">Instagram</a>, at <a href="https://www.youtube.com/@abscbnnews" rel="noopener noreferrer" target="_blank">YouTube</a>.</p><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>. </em></div>

<p>Pinagsama ang dalawang magkahiwalay na video nina veteran broadcaster Mel Tiangco at magnate Jaime Augusto Zobel de Ayala para pagmukhaing isang panayam tungkol sa isang epektibong investment platform.</p>