Julia Christine Botin

'My Puhunan: Kaya Mo!': OFW sa Dubai noon, ‘Aligue Queen’ na ng Bataan ngayon!

Article (news)

ABS-CBN News Intern

<div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/77lK8Q80IOk?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/>Kinahuhumalingan ngayon ng maraming Pilipino ang pagkain ng “crab paste” o “aligue”.</div><p>Dagsa ang mga maliliit na negosyante na nagbebenta nito lalo na sa social media gaya na lamang ni Mia Velasco Reyes mula Orani, Bataan.</p><p>Taong 2015 nang simulan ni Mia ang pagebebenta online ng mga sabon, beauty products, laruan, at bulaklak na kung ano ang uso, ‘yun ang kaniyang itinitinda. Ngunit isang araw, sa simpleng tanong ng isang reseller kung ano ang puwedeng ibenta mula sa Orani, ay naisip niya ang ideya ng pagproseso ng aligue kung saan marami sa kaniyang mga kababayan ay kabuhayan ang paghihimay nito.</p><p>Niluto niya ang nabiling crab fat, pinost sa social media, at doon nagsimula ang pag-arangkada ng kaniyang online business.</p><p>Gamit ang P1,000 puhunan, nakagawa si Mia ng 20 bote ng aligue — sampu para sa resellers at sampu para sa mga taga-Orani. Sa loob ng ilang araw, unti-unting dumami ang kaniyang orders hanggang sa lumawak ang distribusyon ng kaniyang produkto.</p><p>Subalit dahil sa isang personal na pangyayari, napilitan si Mia na mangibang-bansa at magtrabaho sa Dubai bilang waitress.</p><p>&quot;Nagkaroon ng scenario na hindi nakasakay sa barko &#x27;yung mister ko dahil namatay &#x27;yung mother-in-law ko. Ang sabi ko sa kaniya, &#x27;Ako muna &#x27;yung mag-a-abroad. Ako muna &#x27;yung pupunta ng Dubai baka sakali may magandang buhay na makikita doon,&quot; pagbabahagi ni Mia kay Migs Bustos para sa programang &quot;My Puhunan: Kaya Mo!&quot;.</p><p>Sa kabila ng hirap, tiniis niya ito, nagtinda ng sigarilyo, at kahit sa basurahan ay naghanap ng mapapakinabangan—lahat para sa kaniyang pamilya.</p><p>Ngunit hindi nagtagal, nagdesisyon siyang bumalik sa Pilipinas at ipagpatuloy ang negosyo.</p><p>Bitbit ang P40,000 at mga aral mula sa Dubai, ipinagpatuloy ni Mia ang negosyo sa paggawa ng crab paste.</p><p>Sa kasagsagan ng pandemya, sinubukan ni Mia gamitin ang video streaming platform na TikTok para i-promote ang kaniyang produkto. Isang simpleng mukbang video na may crab paste at kanin ang nag-viral. Dahil dito, dumagsa ang mga orders at araw-araw, libo-libong bote ng crab paste ang kanilang pinapadala sa iba’t ibang panig ng bansa.</p><p>Malago na ang kabuhayan ni Mia ngayon. May sarili na siyang planta, bahay, delivery vehicle, at nakakapag-travel na kasama ang pamilya.</p><p>Kilala na si Mia ngayon bilang &quot;Aligue Queen&quot; na naging opisyal niyang trademark na patunay ng kaniyang pagiging lehitimong negosyante.</p><p>Alamin ang pag-asenso niya sa pagbebenta ng mga aligue sa bote dito lang sa &quot;My Puhunan: Kaya Mo!&quot; kasama si Migs Bustos.</p><div><br/></div><div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/6-8slaW76js??t=657&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div>

<p>Kilalanin si Mia Velasco Reyes, isang dating OFW sa Dubai na yumaman at kilala ngayon bilang “Aligue Queen” ng Orani, Bataan.</p>

Kilalanin si Mia Velasco Reyes, isang dating OFW sa Dubai na yumaman at kilala ngayon bilang “Aligue Queen” ng Orani, Bataan.