Joselito Malig

Article (news)

Jessie Cruzat

ABS-CBN News

MANILA - Sapul sa CCTV ang tila pagkawala ng malay at pangingisay ng magkapatid na lalaki matapos umano silang gumamit ng tinatawag na black cigarette o mas kilala sa tawag na &quot;tuklaw&quot; sa bahagi ng Ramon Magsaysay Boulevard, Sampaloc, Maynila noong Martes ng hapon, Oktubre 7.Sa kuha ng CCTV mula sa Barangay 424, makikitang naglalakad sa kalsada ang isang lalaki nang bigla itong nadapa at nawalan ng malay. Agad siyang nilapitan ng isang lalaking nakaputing T-shirt at pilit na pinababangon. Makalipas ang ilang sandali natumba rin pati ang lalaki na naka-puting T-shirt hanggang sa nangisay, tila nawalan ng kontrol sa sarili at nagpaikot-ikot sa gitna ng kalsada.<div><a href="https://www.abs-cbn.com/news/nation/2025/8/21/sigarilyong-itim-ano-ang-tuklaw-cigarettes-1257">Sigarilyong itim: Ano ang &#x27;tuklaw&#x27; cigarettes?</a></div>Makaraan ang higit 30 minuto, dumating ang ambulansya at agad isinugod sa ospital ang magkapatid.Sa inisyal na imbestigasyon ng Manila Police District (MPD), magkapatid ang dalawa na may edad 17 at 19 na pawang residente ng Sampaloc, Maynila.Gumamit umano sila gumamit ng black cigarette o “tuklaw”.“Nag-take sila no’ng tinatawag nating black cigarette o mas kilala sa tawag na &#x27;tuklaw&#x27; kung saan meron itong adverse effect na nagkakaroon sila ng tinatawag na seizure. Nawawala sila sa kanilang pag-iisip. Nagkakaroon sila ng hindi makontrol na paggalaw,” saad ni P/Maj. Philipp Ines, tagapagsalita ng MPD. Kinumpirma ni Chairman Angelito Dula ng Barangay 424 ang insidente at inilahad ang kanilang naging obserbasyon sa magkapatid bilang first responder.“‘Yong isa, ‘yong mata ay nakatirik. Nakakausap pero iba na ‘yong sinasabi,” aniya.<div><a href="https://www.abs-cbn.com/news/nation/2025/9/30/pdea-ddb-warn-about-tuklaw-cigarettes-with-marijuana-component-1529">PDEA, DDB warn about &#x27;tuklaw&#x27; cigarettes with &#x27;marijuana component&#x27; </a> </div>“Gusto nong isang lalaki na itayo siya, ‘yong younger one… Nakakatakot kasi ‘yong seizure, bilang first responder, we thought na baka sa puso,” saad ni Chairman Dula. Bago ang pangyayari, nakita pa sa CCTV na tila may isinagawang pot session ang magkapatid kasama ang dalawang iba pang lalaki sa gilid ng isang convenience store. Samantala, nakalabas na ng ospital ang magkapatid ayon sa pulisya. Sinikap ng ABS-CBN News na kunin ang kanilang panig, subalit ayon sa barangay na nakakasakop sa kanilang lugar, lumipat na ng tirahan ang magkapatid.  EPEKTO NG BLACK CIGARETTE SA TAOAyon sa Philippine Drug Enforcement Agency (PDEA), ang black cigarette ay isang bagong anyo ng ilegal na droga na pumapasok sa bansa sa pamamagitan ng black market na mula umano sa ilang bansa sa Southeast Asia.“Kung titingnan kasi natin ‘yong nicotine content niya, mataas compared doon sa regular tobacco. However, ang nagko-cause ng seizure doon sa mga kabataan is the synthetic cannabinoid,” pahayag ni Atty. Joseph Frederick Calulut, tagapagsalita ng PDEA. <div><a href="https://www.abs-cbn.com/news/nation/2025/8/13/pdea-tracing-source-of-cannabinoid-laced-tuklaw-cigarettes-1820">PDEA tracing source of cannabinoid-laced &#x27;tuklaw&#x27; cigarettes</a></div>“’Yon ho ‘yong tinatawag natin na MDMB-4en-PINACA. That’s the name of the chemical that was laced doon sa sigarilyo na ‘yan.”Inihayag din ni Calulut na mas matindi ang epekto ng black cigarette kumpara sa cannabis o marijuana. “Minsan kasi depende sa katawan ng tao kasi ‘yong metabolism ng katawan ng tao, iba-iba. It is how your body would digest the chemical na naipasok mo sa loob ng katawan mo. In other countries there [are] reported deaths of some individuals who induced this kind of chemical,” paliwanag ni Calulut. Sinumang mahuhuling nagbebenta o gumagamit ng nasabing produkto ay maaaring maharap sa kasong paglabag sa Republic Act 9165 o Comprehensive Dangerous Drugs Act of 2002.<div> </div>

Sapul sa CCTV ang tila pagkawala ng malay at pangingisay ng magkapatid na lalaki matapos umano silang gumamit ng tinatawag na black cigarette o mas kilala sa tawag na "tuklaw" sa Sampaloc, Maynila.

Sapul sa CCTV ang tila pagkawala ng malay at pangingisay ng magkapatid na lalaki matapos umano silang gumamit ng tinatawag na black cigarette o mas kilala sa tawag na "tuklaw" sa Sampaloc, Maynila.

Magkapatid sa Maynila na gumamit umano ng 'tuklaw cigarette' nangisay

News

Entertainment

Lifestyle

Sports

Metro.Style

More

Traffic

Manila

Horoscope

Health & Science

Magkapatid sa Maynila na gumamit umano ng 'tuklaw cigarette' nangisay

Jessie Cruzat,

ABS-CBN News

Published Oct 11, 2025 05:33 PM PHT

Read More:

Tuklaw

Black cigarette

Manila

ABSnews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.