Smuggled na sibuyas mula China positibo sa E.coli, salmonella

Doble ingat, Kapamilya!

Nagpositibo sa E. coli at salmonella ang mahigit P14 million na halaga ng smuggled na sibuyas na nasabat ng Bureau of Customs, Department of Health, at Department of Agriculture.

Isinagawa ang inspeksyon sa anim na 40-foot container kung saan natagpuan din ang humigit kumulang P20 million na halaga ng frozen mackerel.

Ayon sa DOH, ang smuggled na pagkain ay banta sa kalusugan ng mga Pilipino dahil sa posibleng kontaminasyon ng mikrobyong maaaring magdulot ng pagtatae, dehydration, at posibleng pagkamatay.

Ayon kay DOH Secretary Ted Herbosa, kailangang dumaan ang pagkain sa inspekyon ng Food and Drug Administration upang siguruhing ligtas itong kainin.

“E. Coli causes gastrointestinal illnesses - pagtatae, lagnat. Kung may edad o satang-bata, pwede ka pang mamatay from dehydration. So may issue talaga ng food safety ang smuggled food items,” aniya.

“Utos ‘to ng ating mahal na Pangulo to make food cheap and safe. So hindi po pwedeng ganitong contraband. Hindi dumaan sa FDA.”