Eliseo Ruel Rioja

FACT CHECK: Manipulado ang video ni Ong na nag-eendorso diumano ng herbal coffee mix

Hindi totoo at ginamitan lamang ng artificial intelligence, o AI, ang video ni Doctor Willie Ong na nag-eendorso ng isang herbal coffee na mayroon diumanong samu’t saring health benefits sa balat at dugo.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/175283587701420250718_Willie Ong AI_Main.png" style="width:950px" class="fr-fic fr-dib"/></div><div><br/></div><p>Hindi totoo at ginamitan lamang ng artificial intelligence, o AI, ang video ni Doctor Willie Ong na nag-eendorso ng isang herbal coffee na mayroon diumanong samu’t saring health benefits sa balat at dugo.</p><p>Sa naturang video na ini-upload sa Facebook, maririnig ang katulad na boses ni Ong na nag-aalok ng produktong “Bona Vita” sa halagang P109 bawat kahon at naggagarantiya ng kalidad nito.</p><p>Base sa resulta ng AI-detection tool na Hive Moderation, mataas ang posibilidad na deepfake o minanipula sa tulong ng AI ang nasabing video ni Ong.</p><div><br/></div><div><img src="https://od2-image-api.abs-cbn.com/prod/editorImage/175283597389520250718_Willie Ong AI_AI tool.png" class="fr-fic fr-dib" style="width:950px"/></div><div><br/></div><p>Sa iba’t ibang clips ni Ong at ng kanyang asawang si Liza Ong sa naturang video, kumpirmadong pinagalaw lang ang dalawang orihinal na larawan gamit ang AI para pagmukhaing video.</p><p>Kinuha ang isang larawan sa Facebook post ni Ong noong <a href="https://www.facebook.com/share/p/19SX1b1BAN/" rel="noopener noreferrer" target="_blank">Setyembre 25, 2024</a>, kung saan ibinahagi niya ang isang panayam tampok ang kanyang buhay. Galing naman ang isa pang larawan sa hiwalay na Facebook post noong <a href="https://www.facebook.com/share/p/1B4mCNGwZY/" rel="noopener noreferrer" target="_blank">Abril 28, 2019</a> kung saan makikita si Ong at ang kanyang asawa na may hawak na dyaryo. Pinalitan din ang teksto sa dyaryo para palabasing tungkol ang artikulo sa Bona Vita.</p><div><br/></div><div><img src="https://od2-image-api.abs-cbn.com/prod/editorImage/175283603183620250718_Willie Ong AI_comparison_GIF_compressed.gif" style="width:950px" class="fr-fic fr-dib"/> </div><p>Makikita sa caption ng post ang diumano’y order link para sa produkto, pero dumidirekta ito sa isang website na naglalaman ng mga larawan ng mag-asawang Ong at nina Kris Aquino, Anne Curtis, at Vicki Belo.</p><p>Sa isang <a href="https://www.facebook.com/reel/442280098894581" rel="noopener noreferrer" target="_blank">Facebook post noong 2024</a>, nilinaw ng “Bonavita Coffee 4” page na hindi nila endorser sina Ong at Aquino, habang wala namang makikita online na opisyal na endorsement mula kina Curtis at Belo.</p><p>Mayroon ding makikitang dokumento sa website na diumano’y Certificate of Product Registration para sa Bona Vita Coffee, pero iba ang company name at registration number na nakalagay dito sa <a href="https://verification.fda.gov.ph/All_FoodProductsview.php?showdetail=&amp;ACCOUNTCODE=FR-4000011396567">totoong nakarehistro</a> sa Food and Drug Administration (FDA).</p><div><br/></div><div><img src="https://od2-image-api.abs-cbn.com/prod/editorImage/175283606865420250718_Willie Ong AI_comparison2.png" style="width:950px" class="fr-fic fr-dib"/></div><div><br/></div><p>Kung hahanapin naman ang nakalagay na registration number sa pinekeng dokumento, ito ay para sa produktong milk powdered drink mix ng kumpanyang Sea Commercial Trading Inc. at hindi sa Bona Vita.</p><p>Sa kasalukuyan, nakapagtamo na ng 1.7K likes at 308K views ang naturang video na ini-upload ng Facebook account na “BONAVITA PLUS+.” Hindi na nabubuksan ang naturang account mula noong Hulyo 17, 2025 at hindi rin ito opisyal na page base sa website ng Bona Vita.</p><p>Sa isang public advisory sa kanilang website, <a href="https://bonavita.ph/blog/avoid-fake-bona-vita-products/" rel="noopener noreferrer" target="_blank">nagbabala</a> ang Bona Vita laban sa mga namemeke sa kanilang produkto at gumagawa ng mga AI-generated advertisement na gumagamit sa mga personalidad gaya ng mag-asawang Ong.</p><div> </div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.</em></div>

<p>Hindi totoo at ginamitan lamang ng artificial intelligence, o AI, ang video ni Doctor Willie Ong na nag-eendorso ng isang herbal coffee na mayroon diumanong samu’t saring health benefits sa balat at dugo.</p>