ALAMIN: Proseso ng HIV testing

MAYNILA — Bagamat may pag-aalinlangan pa rin na nararamdaman ang ilang tao sa pagpapa-HIV test, tiniyak naman ng mga eksperto at ng gobyerno na walang dapat ikatakot dahil kaligtasan at kalusugan nila at ng ibang tao ang nakasalalay dito.

Sa Quezon City na libre ang pagpapa-test, may ilang hakbang na kailangang sundin. 

Una, magpapa-schedule ang kliyente bago pumunta sa klinika o health centers. Ikalawa, kailangan nilang pumirma ng consent form bago kuhanan ng dugo. 

Pagkatapos nito, kailangan nilang maghintay ng 15 hanggang 30 minuto para sa resulta. Para sa mga “reactive” o positive ang resulta, sasailalim sila sa counseling session.

Mula January hanggang May 2025, patuloy na tumaas ang bilang ng mga nagpositibo sa HIV sa bansa, gayundin sa Quezon City na may naitalang 421 na bagong kaso ng PLHIV o People Living with HIV.

Sa bilang na ito, 149 mga kabataang edad 15-24 anyos at nag-aaral pa. 

Mayroong 9 na social hygiene clinics at 67 health centers sa buong Quezon City na nag-aalok ng HIV testing para sa mga nais malaman ang kanilang status.

– Ulat ni Raphael Bosano, Patrol ng Pilipino

Video edited by Raphael Bosano;  post-production by Archie Rosal

HIV cases in PH rise by 500% among ages 15-25: DOH

TV PATROL: Deklarasyon ng HIV bilang public health emergency makatutulong para mapatibay ang tugon sa virus

TV PATROL: Ilang mga bansa may epektibong tugon para makontrol ang HIV