Jonathan Frederic De Santos

A child gets a blood test to check for dengue at the Potrero Super Health Center in Malabon City on July 15, 2022. Jonathan Cellona, ABS-CBN News/file

Article (news)

ABS-CBN News Digital Intern

<p>MAYNILA — Sa panayam nitong Miyerkules, Marso 18, sa “Klinika 630” ng DZMM Teleradyo, nagbigay ng diskusyon si Dr. Edwin Rodriguez, isang pediatric hematologist mula sa University of Santo Tomas at Cardinal Santos Medical Center, kasama si Tita Winnie Cordero tungkol sa mga dahilan kung bakit madalas tamaan ng sakit sa dugo ang mga bata.</p><p>“Kasi ang mga bata po ay tinatawag na vulnerable population,” paliwanag ni Dr. Rodriguez.</p><p>Dagdag din nito na ang immune system ng mga bata ay hindi pa ganap na developed, kaya naman mas sensitibo sila sa mga kakulangan sa nutrisyon at iba’t ibang kondisyon na posibleng makaapekto sa kanilang dugo.</p><div><br/></div><div><strong>MAY KINALAMAN BA ANG PAGBUBUNTIS DITO?</strong></div><p>Ayon kay Doc, maraming pag-aaral ang nagpapakita na ang malusog na ina ay nagdudulot din ng malusog na sanggol.</p><p>“Magiging mabuti ang quality at quantity kung maayos ang nutrisyon ng nanay mula pa sa simula ng pagbubuntis,” aniya.</p><p>May malakas na ugnayan ang nutrisyon at kalusugan ng ina sa kalusugan ng bata, kabilang na ang posibilidad ng pagkakaroon ng sakit sa dugo.</p><p>Ang kakulangan sa iron, folic acid, at bitamina B12 ng ina ay posibleng magdulot ng anemia o iba pang blood-related conditions sa bata.</p><p>Subalit, may mga kaso ring congenital o inherited na tinatawag, kung saan kahit maayos ang pagbubuntis at kumpleto sa check-up at bitamina ang ina, puwede pa ring magkaroon ng problema sa genetic composition na naipapasa mula sa isang henerasyon patungo sa susunod.</p><div><br/></div><div><strong>MAY KINALAMAN DIN BA ANG KASARIAN?</strong></div><p>Mas madalas na tamaan ng ilang sakit sa dugo ang mga kalalakihan. </p><p>Halimbawa nito ang hemophilia, kung saan ang ina ang carrier ng abnormal na gene, ngunit sa anak na lalaki ito karaniwang lumalabas.</p><div><a href="https://www.abs-cbn.com/life/05/19/19/alamin-paano-masasabing-hemophilia-ang-sakit">ALAMIN: Paano masasabing hemophilia ang sakit?</a></div><div><br/></div><div><strong>Hemophilia</strong></div><p>Ang hemophilia ay isang genetic disorder o namamanang sakit na nakaaapekto sa kakayahan ng dugo na mamuo o mag-clot. Nangyayari ito kapag kulang ang ilang clotting factors (mga protina sa dugo) na tumutulong sa paghinto ng pagdurugo sa katawan ng tao.</p><p>Kapag nasugatan ang isang taong may kondisyong hemophilia, mas matagal bago tumigil ang pagdurugo kumpara sa normal.</p><p>Karamihan sa mga sintomas ay lumilitaw sa maagang edad, bagama’t may iilan ding natutukoy na lamang sa huli.</p><p>Ilan sa mga palatandaang may hemophilia ang isang tao kapag may:</p><ul style="list-style-type:circle"><li>Madalas na pagkapasa</li><li>Pagdurugo sa dumi o ihi</li><li>Pagdurugo sa kasukasuan (joints)</li><li>Padurugo sa ilong, gilagid, at bibig</li><li>Matagal na pagdurugo kahit sa maliit na sugat</li></ul><div><br/></div><div><strong>ANO ANG TOP 3 NA SAKIT SA DUGO SA PILIPINAS?</strong></div><div><br/></div><div><strong>Anemia</strong></div><p>Ang pinakakaraniwan ay ang nutritional anemia, partikular ang iron deficiency anemia. Tinatayang malaking porsiyento ng mga batang Pilipino ang may kakulangan sa iron.</p><div><a href="https://www.abs-cbn.com/life/06/11/19/alamin-kondisyon-na-kulang-sa-iron-ang-dugo-ng-tao">ALAMIN: Kondisyon na kulang sa iron ang dugo ng tao</a></div><p>Tinukoy rin ni Rodriguez ang tatlong grupo na pinaka-vulnerable dito:</p><ul style="list-style-type:circle"><li>Mga nagbubuntis</li><li>Mga sanggol na 6 buwan hanggang 2 taon</li><li>Mga babaeng nakararanas ng pagdadalaga o menstruation</li></ul><div><br/></div><p>Batay sa 2023 National Nutrition Survey (NNS) ng Department of Science and Technology’s Food and Nutrition Research Institute (DOST-FNRI), 5.4% ng mga batang may edad 5-10 taong gulang ay dumaranas ng anemia, habang 11.4% naman ng mga batang wala pang limang taong gulang (0-59 buwan) ang apektado nito.</p><p>Ipinapakita rin ng parehong datos na 5.8% ng mga kabataan na may edad 10-19 taong gulang ay may anemia.</p><p>Bukod dito, sa mga kababaihang nasa reproductive age (15-49 taong gulang), 10.9% ng mga non-pregnant non-lactating women, 21.8% ng mga buntis, at 11.2% ng mga nagpapasusong ina ang dumaranas ng <a href="https://www.facebook.com/share/p/1Htf9gkso8/">anemia</a>.</p><p>Kaya naman nirerekomenda ni Doc Rodriguez ang tuloy-tuloy na pagbibigay ng breastmilk sa bata, at pagsapit ng ika-6 na buwan, marapat na simulan ang pagpapakain na mayaman sa iron kagaya ng green leafy vegetable, pulang karne (red meat), at manok.</p><div><br/></div><div><strong>Leukemia</strong></div><p>Ang pangalawa naman ay ang leukemia, na siyang pinakakaraniwang uri ng kanser sa mga bata. Isa itong kanser sa dugo at bone marrow kung saan labis na gumagawa ang katawan ng abnormal at hindi ganap na nagiging puting selula ng dugo (white blood cells).</p><p>Dahil dito, naapektuhan ang normal na produksyon ng red blood cells at platelets, na mahalaga sa pagdadala ng oxygen at pag-iwas sa pagdurugo.</p><div><br/></div><div><strong>Dalawang uri ng leukemia</strong></div><p>Ang acute leukemia ay mabilis ang paglala sa loob lamang ng ilang linggo o buwan dahil sa pagdami ng mga immature o hindi pa ganap na selula ng dugo, kaya nangangailangan ito ng agarang gamutan.</p><p>Kabilang sa mga sintomas nito ay ang:</p><ul style="list-style-type:circle"><li>Pamumutla</li><li>Matagal na lagnat</li><li>Pagkakaroon ng singaw</li><li>Madaling pagkakaroon ng pasa</li></ul><div><br/></div><p>Ang acute leukemia ay may dalawang klase: </p><ul style="list-style-type:circle"><li>Acute lymphocytic leukemia (ALL) – uri ng acute leukemia na nakaaapekto sa mga lymphocyte at karaniwang nakikita sa mga bata.</li><li>Acute myelogenous leukemia (AML) – uri ng acute leukemia na nagsisimula sa myeloid cells at mas karaniwan sa mga matatanda.</li></ul><div><br/></div><p>Ang chronic leukemia naman ay mas mabagal ang pag-usad na puwedeng umabot ng ilang taon, kaya matagal bago mapansin ang malinaw na sintomas kumpara sa acute leukemia.</p><p>Iilan sa mga senyales na may ganitong kondisyon kapag:</p><ul style="list-style-type:circle"><li>Nilalagnat</li><li>Madaling pagkakaroon ng pasa</li><li>Lumalaki ang abdominal organs (liver at spleen)</li></ul><div><br/></div><p>Ang chronic leukemia ay mayroon ding dalawang klase:</p><ul style="list-style-type:circle"><li>Chronic lymphocytic leukemia (CLL) – uri ng chronic leukemia na nakaaapekto sa lymphocytes at kadalasang nararanasan ng matatanda.</li><li>Chronic myelogenous leukemia (CML) – isang mabagal na lumalalang chronic leukemia na nagsisimula sa myeloid cells at maaaring may kaugnayan sa abnormal na gene tulad ng Philadelphia chromosome. </li></ul><div><br/></div><p>Ayon kay Dr. Rodriguez, ang mga pasyenteng may CML ay maaaring mabuhay nang mas matagal at normal sa tulong ng targeted therapy na iniinom sa anyo ng tableta.</p><p>“Ito po ang isa sa pinakamalaking breakthrough sa science sa pediatric hematology sapagkat marami na pong mga bata, even adults po, na nakagamot ng CML na nabubuhay nang napakatagal,” aniya.</p><div><br/></div><div><strong>Bleeding Disorder</strong></div><p>Pangatlo ang mga bleeding disorder na maaaring magpakita sa:</p><ul style="list-style-type:circle"><li>Simpleng pagkakapasa</li><li>Pagdurugo ng ilong tuwing mainit</li><li>Irregular na menstruation sa nagdadalagang babae</li></ul><div><br/></div><p>Ang bleeding disorder ay posibleng mamana mula sa pamilya. Kadalasan ito ay pangmatagalan (lifelong) ngunit benign o hindi malala.</p><p>Maaari rin itong maging acquired kapag mababa ang platelet count o sensitibo ang mga ugat, kaya madaling magkapasa kahit sa banayad na tama.</p><p>Kapag hindi naagapan, puwede itong humantong sa malalang pagdurugo sa loob ng katawan at magdulot ng life-threatening na pagdurugo sa internal organs.</p><p>Ang bleeding disorder ay maaaring sanhi ng:</p><ul style="list-style-type:circle"><li>Mababang platelet count</li><li>Kakulangan sa clotting factors</li></ul><div><br/></div><p>Sa iilang kaso, ang simpleng blood test tulad ng complete blood count (CBC) at clotting tests ay nakatutulong upang maagang matukoy ang kondisyon.</p><div><a href="https://www.abs-cbn.com/life/02/09/19/alamin-sino-ang-mga-hindi-maaaring-mag-donate-ng-dugo">ALAMIN: Sino ang mga hindi maaaring mag-donate ng dugo</a></div>

<p>Ang immune system ng mga bata ay hindi pa ganap na developed, kaya naman mas sensitibo sila sa mga kakulangan sa nutrisyon at iba’t ibang kondisyon na posibleng makaapekto sa kanilang dugo.</p>

Ang immune system ng mga bata ay hindi pa ganap na developed, kaya naman mas sensitibo sila sa mga kakulangan sa nutrisyon at iba’t ibang kondisyon na posibleng makaapekto sa kanilang dugo.

Uri ng sakit sa dugo na karaniwang tumatama sa mga bata

News

Entertainment

Lifestyle

Sports

Metro.Style

More

Traffic

Manila

Horoscope

Health & Science

Uri ng sakit sa dugo na karaniwang tumatama sa mga bata

ABS-CBN News Digital Intern,

Cher Kelsey Ramos

Published Mar 21, 2026 08:37 AM PHT

Read More:

Sakit sa dugo

hemophilia

anemia

leukemia

bleeding disorder

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.