Marilyn Cahatol

Article (news)

ABS-CBN News Digital Intern

<p>MAYNILA — Patok sa mga bata ang paglalaro sa labas, gala, at swimming tuwing tag-init.</p><p>Habang abala ang ibang tao sa kanilang summer plans, hindi mawawala ang pangamba ng mga magulang sa mga sakit na karaniwang lumalabas tuwing ganitong panahon.</p><p>Kaya kapag nagkasakit na ang mga anak, hindi nila mapigilang humingi ng mga payo sa nakatatanda at kumuha ng mga impormasyon sa social media. Ngunit, hindi lahat ng naririnig at nababasa ay dapat paniwalaan dahil maaari itong magdala ng komplikasyon sa kalusugan ng mga bata.</p><p>Sa isang talakayan ng “Klinika 630” na ipinalabas noong Abril 8, pinag-usapan nina Dr. Denis Ngo at Winnie Cordero ang isa sa mga karaniwang sakit na lumalabas tuwing tag-init: ang bulutong-tubig.</p><div><br/></div><div><strong>ANO ANG BULUTONG-TUBIG?</strong></div><p>Ang bulutong-tubig o chickenpox ay isang uri ng viral infection dulot ng varicella-zoster virus (VZV). Kapag ang isang bata ay nahawaan nito, magkakaroon siya ng mga pantal at butlig sa buong katawan na maaaring tumagal ng 10 araw.</p><p>Ang virus na ito ay naipapasa sa ibang bata kapag siya ay may close contact sa taong may bulutong-tubig. Maaari din siyang mahawaan sa paraan ng airborne contact o kapag ang taong may bulutong-tubig ay bumahing.</p><p>Bagama’t nakakahawa ito, bihira na ang bulutong-tubig ngayon. Noon, halos lahat ng bata ay nahahawaan ng virus. Ngunit, nang magkaroon ng bakuna, bumaba ang kaso nito nang halos 90 porsyento.</p><div><a href="https://www.abs-cbn.com/video/life/12/02/22/alamin-paano-nga-ba-makakaiwas-sa-bulutong">ALAMIN: Paano nga ba makakaiwas sa bulutong?</a></div><div><br/></div><div><strong>MGA SINTOMAS AT YUGTO</strong></div><p>Madaling malaman kung ang bata ay may bulutong-tubig. Ang mga pantal ay lalabas 10 hanggang 21 araw matapos siyang mahawaan, at ito may maaaring tumagal ng lima hanggang 10 araw.</p><p>May mga sintomas ring lalabas isa o dalawang araw bago tumubo ang mga pantal. Ang mga halimbawa ay:</p><ul style="list-style-type:circle"><li>Lagnat</li><li>Kawalan ng ganang kumain</li><li>Sakit ng ulo</li><li>Pagkapagod</li></ul><div><br/></div><p>Ang bulutong-tubig ay dumadaan sa tatlong stages ng pamamantal sa katawan.</p><ul style="list-style-type:circle"><li>Stage 1: Butlig o Papules – Nagsisimula ito bilang maliliit at mapulang mga batik na mabilis nagiging butlig. Lalabas ito sa mukha, dibdib, o likod bago kumalat sa ibang bahagi ng katawan.</li><li>Stage 2: Paltos o Blisters – Tuluyang magiging paltos ang mga maliliit na butlig at magkakaroon ito ng likido sa loob. Makati ito, ngunit hindi pwedeng kamutin ng mga bata dahil kapag pumutok, maaari ring mahawaan ang may close contact sa likido nito.</li><li>Stage 3: Langib o Scabbing – Sa stage na ito, kusang puputok, matutuyo, at mangingitim ang mga paltos at magiging mga langib. Ngunit, tatagal pa ng ilang araw bago ito humilom.</li></ul><div><br/></div><div><strong>MGA MALING PANINIWALA</strong></div><p>May mga kakaibang paniniwala ang mga tao sa bulutong-tubig, ngunit may mga paliwanag ang agham tungkol dito. Narito ang mga katotohanan sa likod ng mga paniniwala:</p><div><br/></div><ul style="margin-top:0;margin-bottom:0;padding-inline-start:48px"><li dir="ltr" style="list-style-type:disc;color:#000000;background-color:transparent;text-decoration:none;vertical-align:baseline;white-space:pre"><p>Myth No. 1: Bawal kumain ng itlog.</p></li></ul><p>Katotohanan: Wala itong dalang masamang epekto sa katawan, maliban kung ang bata ay allergic sa itlog. Sa katunayan, may mahalagang kontribusyon ito sa recovery diet sapagkat ang itlog ay may protein na nakakatulong sa pag-aayos ng mga nasirang skin tissue, Vitamin B12 at zinc na nagpapalakas ng resistensya, at amino acid na nakakatulong sa pagbilis ng paggaling.</p><div><br/></div><ul style="margin-top:0;margin-bottom:0;padding-inline-start:48px"><li dir="ltr" style="list-style-type:disc;color:#000000;background-color:transparent;text-decoration:none;vertical-align:baseline;white-space:pre"><p>Myth No. 2: Magtago sa dilim kapag may bulutong-tubig.</p></li></ul><p>Katotohanan: Ito ay nagmula sa isang tanyag na alamat sa Asya kung saan pinapalala raw ng ilaw, init, o hangin ang pamamantal sa katawan. Bagama’t mahalagang i-quarantine ang bata upang hindi kumalat ang virus, walang siyentipikong basehan ang pagtago sa dilim.</p><div><br/></div><ul style="margin-top:0;margin-bottom:0;padding-inline-start:48px"><li dir="ltr" style="list-style-type:disc;color:#000000;background-color:transparent;text-decoration:none;vertical-align:baseline;white-space:pre"><p>Myth No. 3: Bawal maligo kapag may bulutong-tubig.</p></li></ul><p>Katotohanan: Sa early stages nito, mahalagang umiwas muna sa pagligo ang bata. Ngunit, kapag nagsimula nang matuyo ang mga paltos, maaari na siyang maligo nang madalian. Ang mahalaga ay maging presko ang katawan upang hindi mangati.</p><div><br/></div><ul style="margin-top:0;margin-bottom:0;padding-inline-start:48px"><li dir="ltr" style="list-style-type:disc;color:#000000;background-color:transparent;text-decoration:none;vertical-align:baseline;white-space:pre"><p>Myth No. 4: Hindi na nakakahawa kapag nagsimula nang matuyo ang mga paltos.</p></li></ul><p>Katotohanan: Maraming tao ang nalilito dito. Ang angkop na konsepto ay hindi na nakakahawa kapag tuyo na lahat ang mga paltos. Sa madaling salita, kung may mga tuyong paltos na ang bata ngunit mayroon pang hindi pumuputok, makakahawa pa rin siya.</p><div><br/></div><ul style="margin-top:0;margin-bottom:0;padding-inline-start:48px"><li dir="ltr" style="list-style-type:disc;color:#000000;background-color:transparent;text-decoration:none;vertical-align:baseline;white-space:pre"><p>Myth No. 5: Isang beses ka lang magkakaroon ng bulutong-tubig sa buhay mo.</p></li></ul><p>Katotohanan: Bagama’t bihira, maaaring magkaroon uli siya ng bulutong-tubig kung bumagsak ang kanyang resistensya. Maaari din itong maging kulebra o shingles sa kanyang pagtanda.</p><div><br/></div><div><strong>ANO ANG DAPAT GAWIN?</strong></div><p>Dahil viral infection ang bulutong-tubig, wala itong agarang lunas ngunit may mga paraan upang maibsan ang mga sintomas nito sa bata.</p><div><br/></div><ul style="list-style-type:circle"><li>Sa pangangati ng katawan</li></ul><ul style="margin-top:0px;margin-bottom:0px;padding-inline-start:48px;list-style-type:circle"><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Pasuotin siya ng mga preskong damit.</p></li><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Putulin ang kanyang mga kuko upang maiwasan ang pagkamot ng mga paltos.</p></li><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Painumin ng gamot na may antihistamine tulad ng diphenhydramine at cetirizine.</p></li></ul><ul style="list-style-type:circle"><li>Sa lagnat at pananakit ng katawan</li></ul><ul style="margin-top:0;margin-bottom:0;padding-inline-start:48px"><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Painumin siya ng pain reliever na may acetaminophen.</p></li><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Huwag painumin ng aspirin sapagkat magdudulot ito ng Reye’s syndrome o pamamaga ng utak at pinsala sa atay na maaaring ikamatay ng bata.</p></li><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Huwag painumin ng ibuprofen. Baka magkaroon pa siya ng iba pang skin infections.</p></li></ul><ul style="list-style-type:circle"><li>Sa pag-aalaga sa bata</li></ul><ul style="margin-top:0;margin-bottom:0;padding-inline-start:48px"><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Painumin siya ng maraming tubig upang hindi magkaroon ng dehydration.</p></li><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Pakainin ng malalambot na pagkain kung sakaling siya ay nagkaroon ng singaw.</p></li><li dir="ltr" style="list-style-type:circle;color:#000000;background-color:transparent;text-decoration:none;vertical-align:baseline;white-space:pre"><p>Pagkatapos maligo ang bata, dampian lamang ng tuwalya upang matuyo. Huwag kukuskusin ng pamunas ang basang katawan.</p></li></ul><div><br/></div><p>Sa huli, ang pinakamabisang paraan upang maiwasan ang bulutong-tubig ay pabakunahan ang bata. Mula nang magkaroon ng bakuna noong 1995, hindi bababa sa 91 milyong kaso ng bulutong-tubig ang naiwasan na dahil dito.</p><div><a href="https://www.abs-cbn.com/news/health-science/2026/1/12/experts-closely-monitoring-infectious-diseases-parents-urged-to-have-their-children-vaccinated-1821">Experts closely monitoring infectious diseases; parents urged to have their children vaccinated</a></div><div><br/></div><div><strong>PANOORIN:</strong></div><div style="text-align:center"><iframe width="560" height="315" src="https://www.youtube.com/embed/o1WxfBiSYy8?si=Qm0htl649sxWtbP6" title="YouTube video player" frameBorder="0" allowfullscreen=""></iframe></div>

<p>Ang bulutong-tubig o chickenpox ay isang uri ng viral infection dulot ng varicella-zoster virus (VZV). Kapag ang isang bata ay nahawaan nito, magkakaroon siya ng mga pantal at butlig sa buong katawan na maaaring tumagal ng 10 araw.</p>

Ang bulutong-tubig o chickenpox ay isang uri ng viral infection dulot ng varicella-zoster virus (VZV). Kapag ang isang bata ay nahawaan nito, magkakaroon siya ng mga pantal at butlig sa buong katawan na maaaring tumagal ng 10 araw.

ALAMIN: Mga maling paniniwala sa bulutong-tubig ng mga bata

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Health & Science

ALAMIN: Mga maling paniniwala sa bulutong-tubig ng mga bata

ABS-CBN News Digital Intern,

Mart Hans Lemuel T. Sambita

Published April 18, 2026 12:39 PM PHT

Read More:

Bulutong tubig

Health

Science

bata

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.