Marilyn Cahatol

Pulikat, simpleng kirot o babala ng mas malalang kondisyon?

Article (news)

<p>MAYNILA — Hindi natin mapigilang magkaroon ng pulikat sa ating katawan.</p><p>Para sa marami, pamilyar ang ganitong karanasan lalo na sa kalagitnaan ng pagtulog o matapos ang mahabang araw na puno ng mga gawain.</p><p>Agad-agad itong nawawala sa mga simpleng kaso, ngunit may mga pagkakataong madalas itong bumabalik. May ipinapahiwatig ang katawan na hindi dapat isantabi ng mga tao, dahil maaaring may kasama na itong iba pang sintomas.</p><p>Sa isang talakayan ng “Klinika 630” na ipinalabas noong Abril 23, pinag-usapan nina Dr. Denis Ngo at Winnie Cordero kung ano ang pulikat at ang mga posibleng senyales ng mas malubhang kondisyon.</p><div><br/></div><div><strong>ANO ANG PULIKAT?</strong></div><p>Ang pulikat o muscle cramps ay isang biglaan at hindi kontroladong pag-contract ng kalamnan na kadalasang may kasamang matinding pananakit. Maaari itong mangyari sa anumang bahagi ng katawan, ngunit ang madalas tinatamaan ng pulikat ay ang mga sumusunod:</p><ul style="list-style-type:circle"><li>Likod</li><li>Braso</li><li>Binti</li><li>Paa</li><li>Leeg</li><li>Dibdib</li></ul><div><br/></div><div><a class="fr-green fr-strong" href="https://www.abs-cbn.com/news/health-science/2026/5/1/women-reveal-battle-with-little-known-chronic-leg-fat-condition-1315">Women reveal battle with little-known chronic leg fat condition</a></div><p>Sa ganitong kondisyon, hindi maayos ang koordinasyon sa pagitan ng ugat at kalamnan. Sa halip na maayos na mag-contract at mag-relax, nagkakaroon ng sabay-sabay at tuloy-tuloy na pag-urong ng muscle fibers.</p><p>Bagamat ito ay panandalian lamang sa karamihan ng kaso, maaaring mag-iwan ang pulikat ng residual soreness o pananakit matapos itong humupa, lalo na kung matindi ang naging pag-contract ng kalamnan.</p><div><br/></div><div><strong>MGA DAHILAN AT MGA MADALAS TAMAAN NG PULIKAT</strong></div><p>May iba’t ibang rason kung bakit nagkakaroon ng pulikat ang isang tao, at karamihan dito ay may kinalaman sa lifestyle at pisikal na kondisyon ng katawan. Halimbawa sa kanila ay:</p><ul style="list-style-type:circle"><li>Muscle fatigue o pagkapagod ng kalamnan dahil sa matagal o matinding paggalaw</li><li>Dehydration</li><li>Electrolyte imbalance kabilang ang kakulangan sa potassium, calcium, at magnesium</li><li>Pananatili sa isang posisyon o maling postura sa matagal na oras</li></ul><div><br/></div><p>May mga pagkakataong mas madalas nakakaranas ng pulikat ang ilang grupo, tulad ng mga:</p><ul style="list-style-type:circle"><li>Atleta</li><li>Taong aktibo sa pisikal na gawain</li><li>Matatanda</li><li>Buntis</li><li>Taong kulang sa nutrisyon</li></ul><div><br/></div><div><strong>MGA SENYALES NG MAS MALALANG KONDISYON</strong></div><p>Ang pulikat ay kadalasang hindi seryoso, ngunit may mga pagkakataong ito ay maaaring konektado sa mas malalim na problema sa kalusugan. Ang sumusunod ay mga kondisyong posibleng maiuugnay sa pulikat:</p><ul style="list-style-type:circle"><li>Amyotrophic Lateral Sclerosis (ALS) – Unti-unting nasisira ang motor neurons na nagreresulta sa muscle stiffness, cramps, at panghihina.</li><li>Parkinson’s disease – Nagdudulot ng abnormal muscle control at rigidity na maaaring mag-trigger ng cramps.</li><li>Peripheral Artery Disease (PAD) – Kulang ang suplay ng dugo at oxygen sa muscles, lalo na sa binti.</li><li>Kidney failure – Nagdudulot ng imbalance sa electrolytes at fluid levels na direktang nakakaapekto sa muscle function.</li><li>Cirrhosis – Maaari itong magdulot ng metabolic at electrolyte disturbances.</li><li>Hypothyroidism – Pinapabagal nito ang metabolism na maaaring magdulot ng muscle stiffness.</li><li>Diabetes – Maaaring makaapekto sa daloy ng dugo na magdudulot ng abnormal na muscle contractions.</li></ul><div><br/></div><p>Maaari rin itong maging side effect ng pag-inom ng gamot tulad ng diuretics o water pills, statins, at gamot sa asthma. Binabawasan nito ang electrolytes sa katawan, pinapababa nito ang fluid levels, o tinatamaan nito ang nervous system sa paggamit nitong mga naturang gamot.</p><div><a class="fr-green fr-strong" href="https://www.abs-cbn.com/news/health-science/2026/4/18/kulebra-maaaring-magdulot-ng-pagkabulag-at-pagkabingi-1325">Kulebra, maaaring magdulot ng pagkabulag at pagkabingi?</a></div><p>Narito ang mga senyales na dapat bantayan kung may mas malalang kondisyon na ang iyong katawan:</p><ul style="list-style-type:circle"><li>Madalas o paulit-ulit na pulikat</li><li>Matinding sakit</li><li>Matagal humupa</li><li>Nagkakaroon ng pulikat kahit walang pisikal na aktibidad</li><li>May kasamang pamamanhid o tusok-tusok na pakiramdam</li><li>May kasamang panghihina</li></ul><div><br/></div><div><strong>PAANO ITO MAIIWASAN?</strong></div><p>Sa maraming kaso ng pulikat, madali itong maiwasan sa pamamagitan ng simpleng pag-alaga sa katawan at tamang lifestyle. Narito ang dapat gawin:</p><ul style="list-style-type:circle"><li>Uminom ng sapat na tubig</li><li>Kumain ng balanseng diyeta</li><li>Mag-stretch araw-araw</li><li>Iwasan ang biglaang kapaguran</li><li>Panatilihin ang tamang postura ng katawan</li><li>Suriin ang iniinom na gamot</li></ul><div><br/></div><p>Gayunpaman, mahalaga ring kumonsulta sa doktor kung ang pulikat ay nagiging hadlang na sa pang-araw-araw na gawain. Magpatingin ka kung:</p><ul style="list-style-type:circle"><li>Hindi maipaliwanag ang sanhi ng pulikat</li><li>Ito ay madalas mangyari o lumalala sa paglipas ng panahon</li><li>May kasamang pamamanhid, panghihina, o pagkawala ng kontrol sa kalamnan</li><li>Nakakaapekto na sa paglakad o pagtulog</li><li>May kasabay na iba pang sintomas tulad ng pamamaga, pamumutla, o matinding pagkapagod</li></ul><div><br/></div><div><a href="https://www.abs-cbn.com/news/health-science/2026/4/18/alamin-mga-maling-paniniwala-sa-bulutong-tubig-ng-mga-bata-1239">ALAMIN: Mga maling paniniwala sa bulutong-tubig ng mga bata</a></div><div><br/></div><div><strong>PANOORIN:</strong></div><div style="text-align:center"><iframe width="560" height="315" src="https://www.youtube.com/embed/7D_347Enb-g?si=O5srftsiyDjTOowW" title="YouTube video player" frameBorder="0" allowfullscreen=""></iframe></div>

<p>Ang pulikat o muscle cramps ay isang biglaan at hindi kontroladong pag-contract ng kalamnan na kadalasang may kasamang matinding pananakit.</p>

Ang pulikat o muscle cramps ay isang biglaan at hindi kontroladong pag-contract ng kalamnan na kadalasang may kasamang matinding pananakit.

Pulikat, simpleng kirot o babala ng mas malalang kondisyon?

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Health & Science

Pulikat, simpleng kirot o babala ng mas malalang kondisyon?

Mart Hans Lemuel T. Sambitan,

ABS-CBN News Digital Intern

Published May 02, 2026 10:05 AM PHT

Read More:

Pulikat

muscle cramps

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.