Geline Salac

2 lalaki arestado dahil umano sa pekeng plaka, di rehistradong baril

Article (news)

Christopher Sitson

ABS-CBN News

<div><span class="fr-img-caption fr-fic fr-dib" style="width:960px"><span class="fr-img-wrap"><img src="https://od2-image-api.abs-cbn.com/prod/editorImage/1733884345618fake-plate.jpg" class="fr-fic fr-dib" style="width:960px"/><span class="fr-inner" spellcheck="true" style="text-align:left">Dalawang lalaki arestado dahil umano sa pekeng plaka, di rehistrdong baril. <em>Mga larawan mula sa Manila Police District</em></span></span></span></div><p>MAYNILA — Inaresto ng pulisya ang dalawang lalaki dahil sa paggamit umano ng pekeng plaka at pagbitbit ng ilegal na baril sa Ermita, Maynila kamakailan.</p><p>Nagsasagawa ng pagpapatrolya ang pulisya sa kahabaan ng Mabini Street corner Arquiza Street nang masita ang mga suspek sakay ng motorsiklo dahil sa peke umanong plaka, sabi ni PCapt. Rolly Magusib, commander ng Bocobo Police Community Precinct.</p><p>Nang lapitan nila ang dalawang suspek, na edad 27 at 30, sinubukan umano nilang tumakas pero nahabol din matapos sumemplang. Dito na tumambad ang dala-dalang baril ng isa sa mga suspek.</p><div><script data-wid="auto" type="text/javascript" src="https://content.viralize.tv/display/?zid=AAEyze-tm4MR6kEa&amp;cid=ABRkooFKYXUNBdf0&amp;activation=click&amp;vip_mode=playing&amp;vip_position=bottom-right"></script></div><p>&quot;Habang lumalapit po kami nakita po namin na &#x27;yung kanyang motorsiklo ay tampered po &#x27;yung kanyang plaka. Habang sila po ay kinakausap &#x27;yung isang nakasampa sa motor ay biglang pinaharurot &#x27;yung motor kasama &#x27;yung isang suspek,&quot; sabi ni Magusib.</p><p>&quot;Hinabol ng mga tauhan, nakarating sa Pedro Gil, natumba ang motor, sumemplang. &#x27;Yung bumabangon po &#x27;yung suspek ay akmang bumubunot ng kanyang baril,&quot; dagdag niya.</p><p>Narekober sa isa sa mga suspek ang isang baril na wala umanong kaukulang dokumento, magazine at tatlong bala.</p><p>Napag-alaman din ng pulisya na labas-pasok sa kulungan ang dalawa dahil sa pagkakasangkot umano sa pagnanakaw at ilegal na droga. </p><div><a href="https://www.abs-cbn.com/focus/10/10/17/alamin-batas-na-nangangasiwa-sa-pagmamay-ari-ng-mga-baril-at-pasabog">ALAMIN: Batas na nangangasiwa sa pagmamay-ari ng mga baril at pasabog</a></div><p>Miyembro rin sila ng notoryus na grupo na sangkot umano sa iba&#x27;t ibang katiwalian sa ilang bahagi ng Metro Manila, ayon sa pulisya.</p><p>&quot;Hindi lang sila sa Maynila umiikot kundi pati po sa kalakhaan po ng Makati, Pasay at karatig na pook po natin dito sa Metro Manila,&quot; ani Magusib.</p><p>Inamin ng suspek na nagmaneho ng motorsiklo na wala siyang lisensya pero itinanggi na nila ang iba pang paratang.</p><p>Hawak na ng Ermita Police Station ang mga suspek na nahaharap sa reklamong paglabag sa Motorcycle Crime Prevention Act at Comprehensive Firearms and Ammunition Regulation Act.</p>

<p>Inaresto ng pulisya ang dalawang lalaki dahil sa paggamit umano ng pekeng plaka at pagbitbit ng ilegal na baril sa Ermita, Maynila kamakailan.</p>

Inaresto ng pulisya ang dalawang lalaki dahil sa paggamit umano ng pekeng plaka at pagbitbit ng ilegal na baril sa Ermita, Maynila kamakailan.