Geline Salac

Babae nabangga ng AUV sa Rizal; Driver, nakatulog umano

Article (news)

AUV aksidente

AUV aksidente 2

Lyza Aquino

ABS-CBN News

Malubhang sugatan ang isang babae matapos mabangga ng isang sasakyan sa kanto ng Payatas Road at Mayon Avenue sa Bgy. San Jose, Rodriguez Rizal, maghahatinggabi noong December 15.Ayon kay Joel Atenta, traffic enforcer ng Rodriguez Municipal Traffic Management Development Office, galing ng trabaho ang 38-anyos na babaeng biktima kasama ang kanyang asawa at pauwi na sana nang nasiraan  sila ng motorsiklo. Tinutulak nila ito sa gilid ng kalsada nang mabangga siya ng sasakyan.&quot;Yung motor na gamit nila na single naflatan. Ngayon po, mula po sa taas [ng Payatas road] tinutulak po ng asawang lalaki, nagpahinga lang po daw sila sa gilid. Cinenter stand nila &#x27;yung motor tapos eksakto naman po nung mawalan ng kontrol ang kotse sumakto po talaga na dun sa babae tumama,&quot; sabi ni Atenta.&quot;Sa lower part po &#x27;yung tama n&#x27;ya talaga humihingi po ng saklolo [yung biktima]. Eksakto naman ma&#x27;am meron pong pauwi ng ambulansya galing ng Quezon City ambulansya ng Barangay San Isidro, hinarang na po namin, at pinasakay po namin doon ang biktima,&quot; dagdag niya.Dagdag pa ni Atenta, ilang minuto bago ang insidente ay pagewang gewang na umano ang AUV.&quot;Sa pagkakakuwento sa amin ng mga witness, malayo pa lang daw po bago bumaba sa may zigzag &#x27;yung sasakyan na Avanza. Medyo gumegewang na. Eksakto naman po noong kumabig sya ng pakaliwa at binawi nya pakanan meron po siyang nabangga na babae na nagpapahinga sa may tabi ng pader,&quot; sabi ni Atenta.Lumabas sa inisiyal na imbestigasyon ng Rodriguez Municipal Police na galing ng Angeles City, Pampanga ang driver ng AUV at pauwi na sa Rodriguez, Rizal nang makaidlip ito habang nagmamaneho sa may Payatas Road.&quot;Galing din sa Pampanga, biglang natumbok n&#x27;ya &#x27;yung pader. Pagtama niya sa pader tumaob itong sasakyan.   Tumama muna siya sa pader bago s&#x27;ya tumama sa babae. &#x27;Yung driver eh hindi siya nakainom, sabi nya sa akin is parang naidlip siya,&quot; sabi ni Police Staff Sergeant Adrian Deo, investigator-on-case ng Rodriguez Municipal Police.Sa ngayon ay nagpapagaling pa rin sa ospital ang babaeng biktima, ayon sa PNP.&quot;Kahapon ay pinuntahan namin siya sa Amang Rodriguez Hospital. Nag-undergo sya ng operation kasi may tama &#x27;yung kanyang hita.  Makakalakad naman, pero inoobserbahan kasi medyo malaki &#x27;yung hiwa sa kanyang hita,&quot; dagdag ni PSsg Deo.Nagkaareglo na umano ang mga kaanak ng biktima at ng driver ng AUV.&quot;Kahapon nagkaroon ng pag-uusap ung dalawang partido. &#x27;Yung pamilya ng biktima ay nakipagkasundo doon sa pamilya ng driver,&quot; sabi ni PSsg Deo.Sinusubukan pa ng ABS-CBN News makuha ang panig ng mga sangkot sa insidente.May paalala naman ang awtoridad sa mga babiyahe lalo na ngayong holiday season.&quot;Ngayon po panahon ngayon ng okasyon, ang paalala namin kung hindi po kaya magmaneho at pagod na sa pagmamaneho, pwede naman pong huminto naman sa gilid at magpahinga lalo na kung nakakaramdam na inaantok na at lalo na kung medyo nakainom dahil nga maraming okasyon ngayon,&quot; sabi ni Atento.

Malubhang sugatan ang isang babae matapos mabangga ng isang sasakyan sa kanto ng Payatas Road at Mayon Avenue sa Bgy. San Jose, Rodriguez Rizal, maghahatinggabi noong December 15.

Malubhang sugatan ang isang babae matapos mabangga ng isang sasakyan sa kanto ng Payatas Road at Mayon Avenue sa Bgy. San Jose, Rodriguez Rizal, maghahatinggabi noong December 15.