Cheyenne Suarez

Barracks nasunog sa Pasig; ilang truck, nadamay

Article (news)

barracks fire

Lyza Aquino

ABS-CBN News

Nilamon ng apoy ang isang barracks at mga sasakyan sa loob ng isang compound sa Barangay Maybunga, Pasig, bandang alas dos ng madaling araw ngayong Biyernes.Ayon kay Fire Officer 2 Fahad Pusaca, Pasig City Fire Station Investigator, iniakyat sa unang alarma ang sunog bago ito naapula makalipas ang higit 20 minuto.Nakaligtas sa sunog ang anim na truck driver at pahinante na natutulog sa barracks nang sumiklab ang apoy.Kwento ni Violito Duran, isa sa mga stay-in truck driver, kakagarahe lang nila matapos magdeliver ng assorted items sa Cabuyao, Laguna at Taytay, Rizal at matutulog na sana sila sa barracks nang mangyari ang sunog.&quot;Pagkatapos sa Taytay dumiretso kami sa garahe ngayon. Natulog kami dahil may byahe kami bukas ng Carmona. Nagulat lang ako sumigaw ang helper ko sabi na &#x27;Sunog!&#x27; Paggising ko naalimpungatan na lang kami kaya nagtakbuhan na kami...Malaki na ang apoy,&quot; sabi ni Duran.Problemado rin si Duran kung papaano makakapagtrabaho sa mga susunod na araw lalo na&#x27;t nasunog ang ilan sa kanyang mga gamit at mga ID gaya ng kanyang driver&#x27;s license.&quot;Babalik sana ako para kunin ang susi [ng truck] hindi na ako makabalik. Eh &#x27;yung mga gamit ko nasa loob ng truck. Lisensya ko, wallet ko, pera ko at cellphone ko nandoon lahat. Ito cellphone ko lang na isa ang hawak ko. Ang hirap nito, hindi ko alam ano gagawin lalo ngayon wala akong lisensya, nasunog,&quot; dagdag niya.Ayon sa BFP, natupok din ang ilang truck at motorsiklo na nasa paligid ng barracks. Problema sa electrical wiring ang isa sa tinitingnan nilang sanhi ng sunog.&quot;Based on ocular inspection ang pinaka nakikita lang namin na parang pinagmulan po is sa electrical po doon sa may kisame so since natutulog po sila hindi po nila certain kung alin po doon kasi nagising lang sila nakita nila may usok sa kisame,&quot; sabi FO2 Pusaca.Patuloy pang iimbestigahan ng BFP ang insidente habang inaalam pa nila ang kabuuang halaga ng mga natupok.

Nilamon ng apoy ang isang barracks at mga sasakyan sa loob ng isang compound sa Barangay Maybunga, Pasig, bandang alas dos ng madaling araw ngayong Biyernes.

Nilamon ng apoy ang isang barracks at mga sasakyan sa loob ng isang compound sa Barangay Maybunga, Pasig, bandang alas dos ng madaling araw ngayong Biyernes.