Daven Tamayo

Lalaking nagpanggap na customer, tinangay ang cellphone sa Divisoria

People flock to the Divisoria outdoor market in Manila on December 22, 2022, for some last minute Christmas shopping. Jonathan Cellona, ABS-CBN News

Article (news)

Karen De Guzman

ABS-CBN News

Tinangay ng lalaking nagpanggap na mamimili ang cellphone ng may-ari ng isang tindahan sa Divisoria, Maynila nitong Biyernes ng hapon. Kita sa CCTV na abala noon sa pag-aayos ng mga pandinda ang mga tindera nang pumasok ang lalaki na inakala nilang customer. Nagmasid-masid siya sa paligid at minanmanan ang kilos ng may-ari ng tindahan na nag-aayos ng mga ipapadala nilang parcel. Nang lumipat ng puwesto ang may-ari, lumapit ang lalaki sa may counter ng tindahan at saka dinampot ang cellphone ng biktima. <div><a href="https://www.abs-cbn.com/news/weather-traffic/2024/12/21/heavier-traffic-observed-in-roads-skies-ahead-of-christmas-1210">Heavier traffic observed in roads, skies ahead of Christmas</a></div>“Nung babalikan na ni ma’am ‘yung waybill, wala na. Nagulat siya na wala na, naghahanap na lahat,” kwento ni Maricris Contado, isa sa mga tindera.“Maganda ‘yung mga kausotan nila, hindi mo talaga mahahalata, nakaporma rin kasi,” paliwanag niya kung bakit hindi sila naghinala.Problemado sila ngayon dahil ang lahat ng kanilang online transactions, nasa ninakaw na cellphone. “Maging ano din sila patas lang. Magtrabaho ng maayos. ‘Wag nang magnakaw, marami namang trabahong pwedeng gawin,” panawagan ni Contado. Sa datos ng Manila Police District (MPD), umabot na sa tatlong milyon ang mga nagpunta sa Divisoria simula noong Disyembre 15. At kasabay ng pagdagsa ng tao, sumasalisi rin umano ang mga kawatan.<div> <a href="https://www.abs-cbn.com/news/regions/2024/12/19/mga-patok-na-pasyalan-ngayong-pasko-dinarayo-2045">Mga patok na pasyalan ngayong Pasko dinarayo</a></div>“‘Pag pupunta tayo sa lugar na katulad ng maraming tao, maging maingat tayo. Tingnan natin, mapag-obserba tayo sa paligid,” paalala ni PMaj. Philipp Ines, tagapagsalita ng MPD. “Sa dami talaga ng tao dyan, hindi natin maiiwasan meron talagang magsasamantala. Pero nakita naman natin ‘yung taas ng presensya ng ating kapulisan,” dagdag niya. Mahigit 1,000 pulis itinalagang para sa pagbabantay hindi lamang sa mga pamilihan kundi maging sa mga simbahan, terminal, at pasyalan ngayong Pasko.

Tinangay ng lalaking nagpanggap na mamimili ang cellphone ng may-ari ng isang tindahan sa Divisoria, Maynila nitong Biyernes ng hapon.

Tinangay ng lalaking nagpanggap na mamimili ang cellphone ng may-ari ng isang tindahan sa Divisoria, Maynila nitong Biyernes ng hapon.