Geline Salac

30 pamilya, nawalan ng tirahan sa sunog sa Tondo, Maynila noong Pasko

Article (news)

Courtesy: Barangay 151, Maynila

Lyza Aquino

ABS-CBN News

<div><script data-wid="auto" type="text/javascript" src="https://content.viralize.tv/display/?zid=AAEyze-tm4MR6kEa&amp;cid=ABSQaqWqRTliJ_t3&amp;activation=click&amp;vip_mode=playing&amp;vip_position=bottom-right"></script></div>MANILA — Nabulabog ang masaya sanang selebrasyon ng Pasko, matapos masunog ang isang residential area sa Barangay 51 sa Tondo, Maynila, pasado alas-9 ng gabi, December 25.Ayon sa Bureau of Fire Protection, iniakyat sa unang alarma ang sunog na tumupok sa limang bahay sa kanto ng Dagupan Street at Pilapil Street.Ayon sa taga-barangay, nasa 30 pamilya ang nasunugan, na karamihan ay miyembro ng Pamilya Minguez. Ito na rin ang pangalawang beses na nabiktima sila ng sunog, matapos lamunin ng apoy ang parehong lugar noong April 2021.Tila nanumbalik ang sakit at trauma para kay Marian Minguez, matapos makitang naabo ulit ang kanilang mga gamit dahil sa sunog.Napaiyak nalang si Marian lalo na&#x27;t hindi pa nga sila nakakabangon halos mula sa unang sunog, ay mapipilitan na sila ulit bumalik sa covered court upang doon muli manirahan.&quot;Sobrang sakit po, December 25 po, kasiyahan ng pamilya, biglang naglaho ang bahay namin nawala. Yung mga gamit na kailangan ng anak ko nasunog, pati kwarto. Grabe yung april 27 ganyan yung nangyari po...Ang tagal po namin sa court [nanirahan] sobrang tagal namin doon kasi wala pa kami pagawa ng bahay,&quot; sabi ni Marina.<div><a href="https://www.abs-cbn.com/news/nation/2024/12/25/lola-nakaligtas-sa-nasunog-na-bahay-sa-caloocan-0807">Lola nakaligtas sa nasunog na bahay sa Caloocan</a></div>Samantala, ang mag-asawang Jean at Marlon Minguez, napilitan nang tumalon sa bubong ng kanilang kapitbahay bitbit ang kanilang sampung buwang gulang na sanggol noong kasagsagan ng sunog.&quot;Ang akala ng asawa ko may nag-aaway, nung tinignan niya sa bintana, lumalagablab na yung apoy. After nun ang ginawa naming mag-asawa syempre no choice kami, cellphone at baby lang namin ang dala namin,&quot; sabi ni Jean.&quot;Fifteen feet yung tinalunan namin, bitbit yung bata. So hinug nalang talaga namin para lang safe pagkabagsak,&quot; dagdag niya.&quot;No choice na ako, tinalon ko na bubungan ng kapitbahay namin...&#x27;yun nalang po ang paraan para mailgitas ko ang aking pamilya,&quot; sabi naman ni Marlon.Nananawagan sila ng tulong lalo na sa gatas, diaper at damit ng kanilang sanggol.Labis din ang panghihinayang ni Mark Anthony Minguez, matapos matupok ang mga bagong bili na mga appliances sa kanilang bahay. Nauna na kasing naabo lahat ng mga gamit nila, matapos masunog ang kanilang bahay noong 2021.&quot;Natupok po mga gamit ko, mga washing (machine), ref, dryer, natupok po. Ang ano lang po namin, sana kahit kaunting tulong lang po maka-recover lang po. Nagpa-Pasko, walang-wala po kami,&quot; sabi ni Mark.Nagtamo naman ng mga sugat sa likod ang 73 anyos na si Lola Alice Minguez, na problemado dahil nasunog din ang lahat ng mga appliances niya at bagong dokumento.&quot;Nasunog po, yung titulo namin sa bahay, yung 4Ps ko nasunog, ID, magkakasama sa iisang supot iyon eh,&quot; sabi ni Alice.<div><a href="https://www.abs-cbn.com/news/public-service/2024/12/25/100-bata-na-naapektuhan-ng-sunog-sa-bacoor-cavite-pinasaya-ng-abs-cbn-lingkod-kapamilya-2143">100 bata na naapektuhan ng sunog sa Bacoor, Cavite pinasaya ng ABS-CBN Lingkod Kapamilya</a></div>Ayon naman kay Maxie Reyes, kagawad ng Barangay 51, handa silang magbigay ulit ng tulong sa mga nasunugan.&quot;Ang ating mga paunang tulong sa ating mga residente katulad ng MSWD binibilang nila kung ilang pamilya talaga ang nasunugan, meron tayong covered court na doon natin ilalagay yung mga pamilyang talagang nasunugan.Atsaka meron naman tayong mga tulong, anuman ang pangangailangan nila atin namang tutugunan lahat,&quot; sabi ni Reyes.Patuloy pang iniimbestigahan ng BFP ang maaring pinagmulan ng apoy at kabuuang halaga ng pinsala nito.

Ito na rin ang pangalawang beses na nabiktima sila ng sunog, matapos lamunin ng apoy ang parehong lugar noong April 2021.

Ito na rin ang pangalawang beses na nabiktima sila ng sunog, matapos lamunin ng apoy ang parehong lugar noong April 2021.