Virgilio Lorenzo Jr

Rochelle Barrameda dumulog sa NBI para sa fingerprint matching ni Victor Dueñas at Lope Jimenez

Article (news)

Zyann Ambrosio

ABS-CBN News

MAYNILA -- Humingi ng tulong sa NBI ngayong hapon ang dating aktres at beauty queen na si Rochelle Barrameda upang mapabilis ang fingerprint cross-examination ng isang suspek na sangkot umano sa kaso ng pagdukot at pagpatay sa isang negosyante. Naniniwala si Barrameda na ang suspek na si Victor Dueñas ay siya ring si Lope Jimenez, na sangkot naman sa pagpatay sa kanyang kapatid na si Ruby Rose noong 2007.Ipinahayag ni Barrameda ang kanyang pag-asa na makumpirma ng fingerprint examination ang kanyang paniniwala. “Ginagawa ko ang lahat upang patunayan na si Victor Dueñas at si Lope Jimenez ay iisang tao,” ayon kay Barrameda.Naaresto si Victor Dueñas noong Enero 5 sa Quezon City habang nagbabayad ng pera sa dalawang suspek na sangkot sa pagdukot at pagpatay sa negosyante. Natagpuan ang bangkay ng biktima sa isang hukay sa San Jose del Monte, Bulacan. Itinanggi naman ni Dueñas na siya si Lope Jimenez.Iniutos na ni NBI Director Jaime Santiago ang pagsusuri ng forensic at dactyloscopy teams upang alamin kung magkatugma ang fingerprints ni Dueñas at ni Jimenez sa mga rekord ng NBI. “Kung may nakuhang fingerprints, matutukoy natin kung si Victor Dueñas at si Lope Jimenez ay iisa,” ayon kay Santiago.Inaasahang magsisimula bukas ng umaga ang koordinasyon sa pagitan ng NBI at QCPD upang masusing pag-aralan ang fingerprints ng suspek at makumpirma ang pagkakakilanlan nito.

Nagpatulong sa NBI ang dating aktres at beauty queen na si Rochelle Barrameda para matutukan ang fingerprint examination sa nahuling kidnap-murder suspect na pinaniniwalaang sangkot din sa pagpatay sa kanyang kapatid noong 2007.

Nagpatulong sa NBI ang dating aktres at beauty queen na si Rochelle Barrameda para matutukan ang fingerprint examination sa nahuling kidnap-murder suspect na pinaniniwalaang sangkot din sa pagpatay sa kanyang kapatid noong 2007.