Virgilio Lorenzo Jr

Article (news)

Bata patay sa sunog sa Bgy. Payatas A

Lyza Aquino

ABS-CBN News

Patay ang isang batang babae matapos masunog ang isang bahay sa Bgy. Payatas A, Quezon City, dakong 11:10, Linggo ng umaga.Kinumpirma ng mga kaanak ng biktima na 3 taong gulang ang bata na natagpuan ng mga awtoridad sa ikalawang palapag ng bahay.Ayon sa BFP Quezon City, umabot sa unang alarm ang sunog bago ito naapula dakong 11:36 ng umaga. Walang nadamay na ibang bahay, pero lubos na nagdadalamhati ang lola at tiyahin ng bata sa nangyari.Kwento ng lola ng bata,  bumisita lamang sa kanilang bahay ang bitkima kasama ang isa pa niyang Lola para makipaglaro sana sa mga pinsan at mabisita ang kanyang tatay.Hiwalay na kasi ang magulang ng bata at nakatira siya sa kanyang nanay.&quot;Bunsong apo ko &#x27;yun, &#x27;yun nga &#x27;yung hindi ko matanggap. Umiiyak nga ako paggising ko kasi nakita ko &#x27;yung picture niya,&quot; sabi ng Lola ng biktima.&quot;Kahapon kalalabas ko lang niloloko ko pa siya, sabi ko bili tayo sama ka, ayaw niya kasi nag-aakyat siya sa higaan ayaw niya sumama sa akin, sabi ko nga kung alam ko lang na mangyayari &#x27;yan pinilit ko nalang sana siya kargahin palabas,&quot; dagdag niya.Ayon sa mga kaanak, sa unang palapag ng bahay sumiklab ang apoy.Hindi nila umano lubos akalain na umakyat pala sa ikalawang palapag ng bahay ang bata bago mangyari ang sunog kaya na-trap siya sa isa sa mga kwarto.&quot;Pagpunta po ng mag-lola lumabas po sila,[tapos] bumalik po sila ulit sa bahay, pagbalik po nila sa bahay wala pa pong 2 mins may sumigaw na ng sunog. Pagkasabi po ng sunog nakita ko na po yung taas namin na pula na po yung taas namin,&quot; sabi ng tiyahin ng biktima.&quot;Paglabas ko po, hindi ko po alam na nandun pala yung bata, akala ko paglabas eh nasa baba lang siya at naisama nila pagkita ko sa lola niya umiiyak na hindi pala nasama yung bata. dun na po, nililigtas na po siya sa taas kaso sobrang lakas na po ng apoy,&quot; dagdag niya.Sa ngayon ay iimbestigahan pa ng BFP ang posibleng pinagmulan ng apoy habang nakatakda namang isailalim sa autopsy ang bangkay ng biktima.

Patay ang isang batang babae matapos masunog ang isang bahay sa Bgy. Payatas A, Quezon City, dakong 11:10, Linggo ng umaga.

Patay ang isang batang babae matapos masunog ang isang bahay sa Bgy. Payatas A, Quezon City, dakong 11:10, Linggo ng umaga.