Geline Salac

Taxi driver sinaksak, hinoldap ng 3 lalaki na nagpanggap na pasahero

Article (news)

taxiholdap1

taxiholdap2

Christopher Sitson

ABS-CBN News

Arestado ang tatlong lalaki na itinuturong sangkot  sa panghoholdap sa isang 38-anyos na lalaking taxi driver sa Barangay Unang Sigaw, Quezon City, Linggo ng madaling araw, October 12.Ayon sa PNP, pinara ng tatlong suspek na nagpanggap na pasahero ang biktima sa bahagi ng Muñoz. Nagdeklara sila ng holdap pagdating sa Balintawak.“Pinilit siya na ibigay ‘yung pera na kita niya. Sinaksak na siya sa leeg at tagiliran sabay kuha nung pera niya, sabay takbo na rin ‘yung tatlo,” sabi ni Police Lieutenant Colonel Von Alejandrino, hepe ng QCPD Police Station 3.Natangay ng mga suspek ang P3,000 na cash na kita ng taxi driver.Dinala sa ospital ang biktima dahil sa tinamong mga sugat.“Right after na-discharge nung victim natin na taxi driver pumunta agad dito sa station natin tapos pinakita natin ‘yung mga na-hold na persons of interest, positively in-identify niya ‘yung tatlo. Lalo na ‘yung sumaksak sa kanya, ito talaga,” sabi ni Alejandrino.Agad nagkasa ng hot pursuit operation ang PNP at naaresto ang mga suspek sa Barangay Balon Bato.Sa imbestigasyon ng pulisya lumabas na sila’y mga informal settler na mula sa probinsya. Panlilimos sa lansangan ang kanilang hanapbuhay.Inaalam ng PNP kung may iba pang kasabwat ang tatlo.“So ‘yung modus nila, dati silang nanlilimos, hindi sila contented, nag-uusap na sila, may meeting of minds na sila to come up with this planned na panghoholdap,” ani Alejandrino.Itinanggi naman ng mga suspek ang panghoholdap.“Hindi ho namin ginawa ‘yun sir,” sabi ng suspek.“Hindi ko alam, natulog ako. Magkakasama kami pero tulog. Bigla ako dinakma,” ayon sa isa pang suspek.“Bumibili lang ako ng kanin, bigla ako hinintuan ng pulis at bigla ako pinosas. Dun ka na lang magpaliwanag sa presinto,” ayon sa isa pang suspek.“Sa alegasyon na dinampot lang sila ng pulis, they have the right to deny any allegation, pero (they were) positively identified, each one of them, ng victim,&quot; paliwanag ni Alejandrino.Nasa kustodiya ng QCPD Station 3 ang mga suspek na nahaharap sa reklamong robbery. Tumanggi na ring magbigay ng pahayag ang biktima.

Pinara ng tatlong suspek na nagpanggap na pasahero ang biktima sa bahagi ng Muñoz. Nagdeklara sila ng holdap pagdating sa Balintawak.

Pinara ng tatlong suspek na nagpanggap na pasahero ang biktima sa bahagi ng Muñoz. Nagdeklara sila ng holdap pagdating sa Balintawak.