Tovic Salvador

LUSOT SA SALN? Yaman ng ilang politiko nasa ibang pangalan - Abrea

Article (news)

David Dizon

ABS-CBN News

Naniniwala si Prof. Mon Abrea, chief tax advisor ng Asian Consulting Group. na itinatago ng ilang politiko ang kanilang yaman sa ibang pangalan para hindi maideklara sa Statement of Assets, Liabilities, and Net Worth (SALN).Ani Abrea, dati na siyang nagtrabaho sa Bureau of Internal Revenue at nakita niya kung paano minsan ipinapangalan ng ilang politiko ang kanilang mga assets sa mga kapamilya.“Kung meron kang 10 bodyguard tapos ‘yung driver mo may SUV na nakapangalan sa kanya, pag inimbestigahan mo ‘yung driver, malamang ‘yung pera nanggaling sa mayor or sa congressman,” aniya sa panayam sa DZMM.“Dati po akong taga-BIR so alam ko na dinadaya din nila ang SALN. So minsan hindi nila ipapangalan sa kanila or hindi nila ipapasok sa bangko. Pero hindi naman lahat. ‘Yung iba ipapangalan sa anak, sa asawa, sa pinsan. Madali pong imbestigahan kung may makapagbibigay ng impormasyon.”Una nang nagdesisyon si Ombudsman Jesus Crispin Remulla na buksan sa publiko ang mga SALN matapos itong itago nang nakaraang administrasyon.Ayon kay Abrea, makikita sa SALN kung di tugma ang biglang yaman ng isang politiko kahit na maliit lang ang sahod nito.Mungkahi niya, pwedeng kunan ng picture ang mga mamahaling mansyon, yate at iba’t-iba pang ari-arian ng isang politiko at ipadala sa Ombudsman bilang ebidensya nang iregularidad lalo na kung di maipaliwanag ang yaman.

Naniniwala si Prof. Mon Abrea, chief tax advisor ng Asian Consulting Group. na itinatago ng ilang politiko ang kanilang yaman sa ibang pangalan para hindi maideklara sa SALN.

Naniniwala si Prof. Mon Abrea, chief tax advisor ng Asian Consulting Group. na itinatago ng ilang politiko ang kanilang yaman sa ibang pangalan para hindi maideklara sa SALN.