Geline Salac

Kabataan Rep. Renee Co nakatira pa rin sa magulang? Assets nasa P280,000

Article (news)

David Dizon

ABS-CBN News

Nakatira pa rin ba sa magulang si Kabataan party-list Rep. Renee Co?Ito ang tanong ng mga netizens matapos niyang ilabas ang kanyang SALN na may kabuuang assets na umaabot lamang sa P280,000.Ayon kay Co, hindi siya nakatira sa kanyang mga magulang at sinusuportahan na ang sarili. Aniya, ang P280,000 ang kaniyang kabuuang ipon matapos magtrabaho ng 8 buwan.“Ito po ang arrangement sa amin ever since. We understand public service at kinukuha lang natin ay minimum wage and the rest voluntarily dino-donate sa mga full-time activists and other expenses nang mga activities ng mga students at youth organizations,” aniya sa panayam sa DZMM.Sa kanyang panayam, sinabi ni Co - na isang abogado na nagtapos sa UP College of Law - na pwedeng mabuhay ang isang mambabatas sa sweldong minimum wage.“Hindi kailangan ng milyon-milyon, hindi kailangan ng hundreds of thousands of pesos para maglingkod sa mga mamamayang Pilipino.”Ani Co, wala siyang credit card at wala rin siyang utang. Laptop at iPhone 11 ang pinakamamahalin niyang gamit. “Hindi pa naman siya sira kaya di pa kailangan palitan. Alagaan lang mabuti.”Una nang naglabas ng SALN ang mga miyembro ng Makabayan bloc sa Kamara kung saan ang pinakamalaki ang assets ay si ACT Teachers Party List Rep. Antonio Tinio na may P10.9 million.Kasunod niya si Gabriela Party List Rep. Sarah Elago na may P1,039,600 at si Co na may P280,000.<div><iframe src="https://www.facebook.com/plugins/post.php?href=https%3A%2F%2Fwww.facebook.com%2FabscbnNEWS%2Fposts%2Fpfbid02H8Gg6tZHkS9sGscyyWR4KGhuDzF9V1fzYTqEDESJEgJBBMqdAS5r2kzVL7N9DP1Fl&amp;show_text=true&amp;width=500" width="500" height="679" style="border:none;overflow:hidden" scrolling="no" frameBorder="0" allowfullscreen=""></iframe></div>Para kay Co, hindi mahirap ilabas ang mga SALN ng mga kongresista basta’t mamuhay lang ng simple.