Ched Rick Gatchalian

Article (news)

Nasa 20 bahay natupok ng apoy sa sunog na sumiklab sa Malate, Maynila

Bea Cuadra

ABS-CBN News

MAYNILA — Tinupok ng sunog ang 20 bahay sa Barangay 705, Malate, Maynila, pasado alas 9 p.m. ng gabi nitong Biyernes, October 3.Ayon kay Punong Barangay Lara Teves, dikit-dikit ang mga bahay at gawa sa light material kaya mabilis na kumalat ang apoy.Sa loob ng kalahating oras, itinaas sa ikalawang alarma ang sunog, na nirespondehan ng halos 40 trak ng bumbero. “Medyo mabilis &#x27;yung pangyayari, nakita na lang na medyo malaki yung sunog dito sa likod so dead end siya kaya di na siya na ano kaya gumapang na hanggan dun sa kabilang eskinita. Bale tatlong eskinita yung inabot,” saad nito.Nailigtas naman ng mga bumbero sa sunog ang dalawang pusa, na agad na dinala sa beterinaryo ng fur parents dahil sa mga lapnos matapos ma-trap sa nasusunog nilang bahay.<div><a href="https://www.abs-cbn.com/news/nation/2025/5/1/dalawang-bar-imbakan-ng-alak-nasunog-sa-malate-0842">Dalawang bar, imbakan ng alak nasunog sa Malate </a></div>Nasa trabaho anila sila ng mangyari ang sunog, kaya nagmadaling umuwi para sa mga alaga.Bukod sa evacuation center ng barangay, nakikitira muna ngayon sa mga kamag-anak ang 60 pamilya o halos 200 indibidwal na nawalan ng bahay sa sunog.“Nag ready naman ang city government ng Manila sa Paraiso ng Batang Manila,” aniya.Tukoy na umano ng barangay ang bahay na pinagsimulan ng apoy, at sa kanilang pag-usisa, pagsusunog ng mga nakatira rito ng electrical cable para makakuha ng mga tanso ang dahilan ng sunog.“Ang mga usap usapan ng mga tao is parang nagsusunog ng tanso… Tas kasi may nag-aaway sila… Usually ginagawa po nila yun tapos narinig po ng kapitbahay na ‘pabayaan mo sila,’ yun ang salita nung isa,” sabi ni Teves.Inaalam na ng Bureau of Fire Protection ang dahilan at halaga ng pinsala ng sunog, na inabot ng mahigit dalawang oras bago naapula madaling araw ng Sabado.

Tinupok ng sunog ang 20 bahay sa Barangay 705, Malate, Maynila, pasado alas 9 p.m. ng gabi nitong Biyernes, October 3.

Tinupok ng sunog ang 20 bahay sa Barangay 705, Malate, Maynila, pasado alas 9 p.m. ng gabi nitong Biyernes, October 3.