Ciara Samantha Annatu

FACT CHECK: Sarah Discaya, ‘di sinabing ginawa silang panakip butas ng mga politiko

Ginamitan ng artificial intelligence, o AI, ang isang video ng government contractor na si Sarah Discaya upang palabasing sinabi niyang ginagawa ng mga pulitiko ang mga kontratista na panakip butas sa isyu ng maanomalyang flood control projects.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/175992751953720250930_AI Sarah Discaya_main.jpg" style="width:750px" class="fr-fic fr-dib"/></div><p>Ginamitan ng artificial intelligence, o AI, ang isang video ng government contractor na si Sarah Discaya upang palabasing sinabi niyang ginagawa ng mga pulitiko ang mga kontratista na panakip butas sa isyu ng maanomalyang flood control projects.</p><p>Sa video na ini-upload sa TikTok noong Setyembre 22, 2025, mababasa sa itaas ang tekstong “<em>ANG MATAPANG NA PAHAYAG NI SARAH DISCAYA WAG NIYO KAMING GAWING PANAKIT BUTAS.</em>”</p><p>Minanipula ang nasabing video ni Discaya para palabasing sinabi niya ang mga ito: </p><p>“<em>Marami rin sa inyo mga pulitiko ang nagpapataba ng bulsa sa pangungurakot. [...] Wag niyo kaming gawing panakip butas, kasi kung babalikan ang lahat ng transaksyon, makikita niyong mas malaki pa ang napupunta sa inyo kaysa sa amin. [...].</em>”</p><p>Maaaring kuha ang manipuladong video sa isinagawang <a href="https://www.youtube.com/watch?v=vh2N69UrXwQ" rel="noopener noreferrer" target="_blank">Senate Blue Ribbon Committee hearing</a> noong Setyembre 1, 2025 dahil makikita ang parehong kulay puti na damit, earrings, salamin, at kulay pulang lipstick ni Discaya.</p><p>Sa nasabing hearing ng Senado, ipinagpaliwanag si Discaya tungkol sa koneksyon ng kaniyang mga kumpanya sa isyu ng flood control projects. Walang sinabi si Discaya sa hearing na ito na pareho ng maririnig sa manipuladong video.</p><div><img src="https://od2-image-api.abs-cbn.com/prod/editorImage/1759983476916peke vs orihinal.jpg" style="width:750px" class="fr-fic fr-dib"/></div><p>Base sa resulta ng AI-detection tool na Hive Moderation, mataas ang posibilidad na deepfake, o gawa ng AI, ang audio ng nasabing video na ini-upload sa TikTok.</p><div><img src="https://od2-image-api.abs-cbn.com/prod/editorImage/1759927572159detection result.jpg" style="width:750px" class="fr-fic fr-dib"/></div><p>Nilapatan din ang video ng litrato nina dating House Speaker Martin Romualdez at dating Ako Bicol Rep. Zaldy Co na parehong idinadawit sa flood control scam. Pareho silang nabanggit sa hearing ng Senado at Kamara tungkol sa isyu.</p><p>Ilang buwan matapos lumabas ang isyu ng flood control projects ay <a href="https://www.abs-cbn.com/news/nation/2025/9/17/romualdez-resigns-as-house-speaker-1525">nagbitiw si Romualdez bilang House Speaker noong Setyembre 17</a> at nagpatuloy bilang Leyte 1st District Representative. <a href="https://www.abs-cbn.com/news/nation/2025/9/29/zaldy-co-resigns-as-house-representative-amid-flood-control-scandal-1600">Nagbitiw naman bilang Ako Bicol Representative si Co noong September 29</a>. </p><p>Hindi ito ang unang beses na nasuri ng ABS-CBN Fact Check ang iba pang AI-generated at deepfake na video. </p><div><a href="https://www.abs-cbn.com/news/2024/11/14/fact-check-ai-generated-ang-video-umano-ng-pananalasa-ni-bagyong-nika-1702" rel="noopener noreferrer" target="_blank">FACT CHECK: AI-generated ang video umano ng pananalasa ni bagyong Nika  </a></div><div><a href="https://www.abs-cbn.com/news/2024/11/6/fact-check-walang-abs-cbn-report-tungkol-sa-isang-bagong-online-casino-app-ng-pagcor-1444">FACT CHECK: Walang ABS-CBN report tungkol sa isang bagong online casino app ng PAGCOR  </a></div><div><a href="https://www.abs-cbn.com/news/2024/10/18/fact-check-walang-report-ang-abs-cbn-tungkol-sa-isang-casino-mobile-app-1501">FACT CHECK: Walang report ang ABS-CBN tungkol sa isang casino mobile app</a></div><div><strong><em> – with research and reporting from Kevin Luis Fernandez and Ciara Annatu, ABS-CBN Research and Verification Unit, and Guenne Patano, ABS-CBN Research and Verification Unit Intern  </em></strong></div><div style="text-align:center"><strong></strong><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaaring makipag-ugnayan sa aming email factcheck@abs-cbn.com o X (dating Twitter) account </em><a href="https://twitter.com/abscbnfactcheck"><em>@abscbnfactcheck</em></a><em>. </em><em></em><strong><em></em></strong></div><div><strong></strong><br/></div>

<p>Ginamitan ng artificial intelligence, o AI, ang isang video ng government contractor na si Sarah Discaya upang palabasing sinabi niyang ginagawa ng mga pulitiko ang mga kontratista na panakip butas sa isyu ng maanomalyang flood control projects.</p>