Geline Salac

Kasambahay, kasabwat nagnakaw ng higit P1-M halaga ng alahas sa kanyang amo sa QC

Article (news)

Bea Cuadra

ABS-CBN News

Arestado ang isang 36-anyos na babaeng kasambahay matapos ireklamo nang pagnanakaw ng mga alahas ng kanyang amo sa  Barangay Culiat, Quezon City nitong Miyerkoles, November 12, 2025.Ayon kay PLt. Col. Jefry Gamboa, station commander ng Holy Spirit Police Station, nadiskubre ng 46-anyos na biktima ang pagnanakaw  Miyerkoles nang umaga.Hinanap kasi ng biktima ang kanyang singsing na  iniwan niya sa lamesa sa loob ng kanyang kwarto  Martes ng gabi.“Pagkatapos nun ay tinignan niya din sa lagayan niya ng alahas kung andun pa &#x27;yung mga natitira niyang alahas pero nalaman po niya na lahat po ng mga alahas dun sa lagayan niya ay nawawala na,” kwento ni PLt. Col. Gamboa.Nang kausapin ng biktima ang dalawang katulong, sinabi ng isa sa mga ito na ang suspek ang huling nakitang pumasok sa kwarto ng kanilang amo. Agad na tumawag sa 122 hotline ng pulisya ang biktima“Dun nalaman na itong isa ay umamin nung kinumpronta na din ng complainant at umamin na siya &#x27;yung kumuha nung nawawalang singsing so napag-alaman din po doon na simula nung October ay hindi na natutulog sa gabi itong isang suspect natin kung di po na sa gabi ay pinupuntahan niya ang kanyang boyfriend na siya rin pong suspek natin,” paliwanag ni PLt. Col. Gamboa.Na-recover sa kwarto ng suspek ang nawawalang singsing ng biktima at  ibang mga resibo at dokumento ng pagsasanla ng mga ninakaw na alahas ng biktima.Sa interoragasyon ng PNP sa suspek, una nitong itinanggi na kasabwat niya sa pagnanakaw ang kanyang kinakasama. Pero nagduda ang PNP kaya pinuntahan nila ang lugar kung saan nakatira ang lalaki base sa salaysay nang babaeng suspek.Dito nadiskubre ng PNP na magkasabwat nga ang dalawa matapos makuha sa lalaking suspek ang isang pares ng nawawalang hikaw ng biktima at iba pang dokumento ng pagsanla ng iba pang nawawalang mga alahas.Ayon kay PLt. Col. Gamboa, ang lalaking suspek ang nagsasanla ng mga alahas na ninanakaw ng nobyang kasambahay.“Based sa investigation natin at sa mga na recover na dokumento na simula nung August ay inuunti-unti niyang ninanakaw &#x27;yung mga alahas ng kanyang amo,” ani Gamboa.Base sa mga resibo na nakuha sa mga suspek sinasanla nila ang mga ninakaw na alahas gaya ng singsing, hikaw at bracelet mula isang libo hanggang higit sampung libong piso.Gold at diamond ang mga nawalang alahas.Ayon sa PNP, nasa P1,185,000 ang halaga ng mga alahas na nanakaw ng suspect. Aminado naman ang dalawa sa nagawang krimen. Ginagamit umano nila ang pera sa pagsusugal.“Yung iba pinapadala ko dun sa anak ko,” sabi ng babaeng suspek.“Isang beses niya lang po ako inutusan magbenta,” depensa naman ng lalaki na napag-alamang dati na ring may kasong pagnanakaw.Tumanggi nang magbigay ng pahayag sa camera ang biktima, pero ayon sa kanya, susubukan niyang marecover ang mga nasanlang mga alahas base sa mga nakuha nilang resibo.Pursigido siyang magsampa ng reklamong qualified theft sa kasambahay habang mahaharap naman sa reklamong  paglabag sa anti-fencing law ang kinakasama ng kasambahay.Anim na buwan pa lang na namamasukang kasambahay ang suspek sa biktima na tanging asawa lang at isa pang katulong ang kasama sa bahay.

Ayon sa PNP, nasa P1,185,000 ang halaga ng mga alahas na nanakaw ng suspect na anim na buwan pa lang namamasukan.

Ayon sa PNP, nasa P1,185,000 ang halaga ng mga alahas na nanakaw ng suspect na anim na buwan pa lang namamasukan.