Nelson Morales

TV PATROL: 6 suspek timbog sa pagbebenta ng lupa gamit ang pekeng titulo

Article (news)

Zyann Ambrosio

ABS-CBN News

Arestado ang anim na suspek sa Caloocan City matapos umanong magbenta ng mahigit tatlong ektarya ng lupa gamit ang sinasabing mga pekeng titulo sa mahigit 100 residente.Ayon kay NBI  Organized Transnational Crime Division Chief, Atty. Jerome Bomediano, walang awtoridad ang grupo na magbenta ng lupa.Inaalok umano ng grupo ang lupa online na ₱270,000 para sa 30 sqm.Sa isang entrapment operation sa Caloocan, inaresto ang mga suspek matapos tanggapin ang pera mula sa poseur buyer.Sa imbestigasyo ng NBI, lumalabas na nakapangalan sa patay na tao ang deed of sale at invalid din ang Special Power of Attorney na hawak ng mga suspek.Kinumpirma rin ng Department of Human Settlements and Urban Development (DHSUD) ang tunay na may-ari ng lupa ay isang 80 anyos na babae na kailanman ay &#x27;di niya ibinenta ang ari arian. Isa sa mga suspek ay iginiit pa rin na siya ang may-ari.“May emergency lang kaya ko binebenta… fully paid ko ‘yan, ₱50,000,” aniya.“Sa Land Registration Authority, sa ibang tao talaga nakapangalan ang lupa na ito, pero kine claim nila na sa kanila daw isa sa may ari , nanghingi ng amount for the rights which is invalid. Marami nang nabiktima. Makakasuhan sila ng Estafa dahil sa squatting syndicate,” sabi ni Atty Efigenio Lumanlan,  DHSUD Project Operations Manager, National Drive Against Professional Squatters.  Nagbabala naman ang NBI at DHSUD na bago pumasok sa transaksyon, i-verify muna ang titulo sa Register of Deeds at ireport agad sa awtoridad ang kahina-hinalang bentahan.

Arestado ang anim na suspek sa Caloocan City matapos umanong magbenta ng mahigit tatlong ektarya ng lupa gamit ang sinasabing mga pekeng titulo.

Arestado ang anim na suspek sa Caloocan City matapos umanong magbenta ng mahigit tatlong ektarya ng lupa gamit ang sinasabing mga pekeng titulo.