Nelson Morales

69-anyos na lalaki, kalaboso sa pangmo-molestiya umano ng 9-anyos na stepdaughter

Crime thumbnail Generic thumbnail for crime

Article (news)

Jessie Cruzat

ABS-CBN News

MAYNILA -- Kalaboso ang 69-anyos na lalaki matapos paulit-ulit umanong molestiyahin ang noon ay siyam na taong gulang na stepdaughter sa Pandacan, Maynila.Natunton at sinilbihan ng warrant of arrest ng mga operatiba ng Manila Police District (MPD) ang suspek sa bahay ng kaanak sa Mexico, Pampanga noong Nobyembre 13.Batay sa imbestigasyon, nangyari ang pangmomolestiya noong 2020 habang wala ang ina at kapatid ng bata.“Noong October 2020, minomolestiya siya na itong bata kapag umaalis yung kanyang Nanay at saka ‘yong kanyang kapatid. Naiiwan kasi itong bata sa bahay. And then naulit to ulit ng December at naulit ulit ng January,” saad ni PCapt. Veronica Apresurado, hepe ng Women and Children Concern Section-MPD.Ayon sa tunay na ama ng biktima, apat na taon bago niya nalaman ang insidente.Nagsumbong aniya sa kaniya ang mga kaibigan ng biktima.“Nai-brought out na itong aking anak na minolestiya siya. At yung dalawang kaibigan niya ang nagsumbong sa akin... Hindi ko masikmura ‘yong mga kwento ng anak ko,” saad ng ama ng biktima.Dagdag pa ng pulisya, binantaan ng suspek ang biktima na papatayin siya at ang pamilya nito.“May dala siya na patalim, papatayin ‘yong pamilya, papatayin siya. Kaya ‘yong bata natatakot. Kaya hindi nakapagsumbong kaagad,” dagdag ni PCapt. Apresurado.Sa ngayon, nasa mabuting kalagayan na ang biktima at kasalukuyang nasa Grade 7.Bukod sa regular na psychological counseling, binigyan din ng MPD ang biktima ng libreng taekwondo training.“Mayroon kami intervention na taekwondo para sa kanila, para malimutan nila yung nangyari sa kanila. At the same time, maibalik nila yung tiwala sa sarili nila at tiwala din sa kapwa nila,” saad ni PCapt. Apresurado.Tumanggi nang magbigay ng pahayag ang suspek.Nakapiit siya ngayon sa MPD at nahaharap sa tatlong bilang ng Acts of Lasciviousness at Sexual Assault.Bukod dito, may kaso rin siyang frustrated murder matapos pagsasaksakin ang dating kinakasama noong 2021.<div>RELATED VIDEOS:</div><div><iframe width="640" height="360" src="https://www.youtube.com/embed/72v5JjFJybo?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>

Kalaboso ang 69-anyos na lalaki matapos paulit-ulit umanong molestiyahin ang noon ay siyam na taong gulang na stepdaughter sa Pandacan, Maynila.

Kalaboso ang 69-anyos na lalaki matapos paulit-ulit umanong molestiyahin ang noon ay siyam na taong gulang na stepdaughter sa Pandacan, Maynila.