Jamaine Punzalan

Article (news)

Lyza Aquino

ABS-CBN News

MAYNILA -- Sugatan ang isang MMDA enforcer at isang lalaking driver ng van matapos mauwi sa pamamaril ang anti-colorum operation ng ahensya sa Acacia Avenue, Bgy. Ayala-Alabang, Muntinlupa, alas nuebe ng umaga nitong Miyerkules.Ayon sa kay Police Captain Rizalyn Soledad, Chief of Investigation and Public Information Officer ng Muntinlupa Police, nagsasagawa ng operasyon ang MMDA nang harangin nila ang isang puting van habang dumadaan ito sa Filinvest Exit. Nakiusap muna ang 48-anyos na driver ng van kung maaring tumabi sila sa gilid para ibaba ang senior citizen niyang mga pasahero dahil nahihilo umano ang dalawa. Sumakay sa sasakyan ang enforcer habang tinatabi ng driver ang sasakyan pero nang makababa umano ang mga senior citizen na pasahero ay doon umano bumunot ng baril ang driver.&quot;They flagged the vehicle down, yun nga -na ito nga ay namamasada, without proper documents so nakiusap daw po itong ating driver na kung puwede ay maibaba muna ang mga pasahero dahil meron nagclaclaim na parang mga elders na pasahero na feeling dizzy that time, so sa considerations ng ating mga MMDA [enforcers] pinayagan naman po nila, however, yung isang enforcer ay sumakay sa van to ensure na hindi aalis yung driver,&quot; ani Soledad.Nagpambuno ang suspek at ang enforcer kaya pareho sila tinamaan ng bala sa hita. Agad rumesponde ang tauhan ng Ayala Police Sub Station sa pinangyarihan ng krimen. Nakumpiska sa suspek isang kalibre kwarentay singko baril. Ayon sa pulisya, stable ang kondisyon ng dalawa at kasalukuyan pang nagpapagaling sa ospital. &quot;Habang nangyayari iyon ang ating kapulisan na nakaassign sa ayala police sub station, as kasalukuyan namang nagpapatrol, in just a matter of minutes nandun na sila, inabutan pa nila na nagsa-struggle yung dalawa sa baril na atin naman naconfiscate,&quot; sabi ni PCapt. Soledad.&quot;Dahil sa kanilang continuous na pag aagawan pareho silang may tama [ng baril] so parehas sila naisugod sa ospital. Nasa legs lang naman po ang tama nila parehas. Nasa okay na kondisyon sila ngayon,&quot; dagdag niya.Sa isang statement sa ABS-CBN News na ibinigay ni Atty. Romando Artes, MMDA Chairman, sinabi niyang magbibigay sila ng medical, financial at legal support sa biktimang enforcer. Magsasampa rin anila sila ng kaukulang kaso laban sa driver ng van.Maghahain din sila ng administrative case para matanggalan ng lisensya ang driver ng van habang iimpound din ng ahensya ang kanyang sasakyan.Dagdag pa ni Artes, makikipagugnayan din sila kay Police Colonel Hanzel Marantan, direktor ng PNP Highway Patrol Group para maiwasan na mangyari pa ang parehong insidente.<div></div>

Sugatan ang isang MMDA enforcer at isa pang lalaki matapos mauwi sa engkwentro ang anti-colorum operation ng ahensya sa Muntinlupa.

Sugatan ang isang MMDA enforcer at isa pang lalaki matapos mauwi sa engkwentro ang anti-colorum operation ng ahensya sa Muntinlupa.

MMDA enforcer, driver parehong sugatan matapos mag-agawan ng baril sa Muntinlupa

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

MMDA enforcer, driver parehong sugatan matapos mag-agawan ng baril sa Muntinlupa

Lyza Aquino,

ABS-CBN News

Published November 26, 2025 05:23 PM PHT

|

Updated November 26, 2025 10:43 PM PHT

Read More:

MMDA

Anti-colorum operation

Lalaki

Muntinlupa

Shooting incident

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.