Daven Tamayo

Truck at motorsiklo nagbangaan sa QC; 2 sugatan

Article (news)

Michael Delizo

ABS-CBN News

MAYNILA – Sugatan ang dalawang magka-angkas sa motorsiklo nang sumalpok sa truck sa road intersection sa La Loma, Quezon City.Sa kuha ng CCTV, makikita ang malakas na pagbangga ng motorsiklo sa truck na naunang makapasok sa intersection ng Mariveles at Calamba streets sa Barangay Salvacion bandang alas-12 ng tanghali.Nadaganan pa ng motorsiklo ang magka-angkas.“Dinig na dinig po ‘yong pagpreno ng truck po, tapos ‘yong pagsalpok din po ng motor, malakas din po, dinig po siya sa bahay po namin,” ani Amanda Mauleon, residente sa lugar. “Nanghina po ako, naawa po ako sa mga biktima po.”Isa sa mga agad naka-responde sa insidente ay si Sarah Bernardino, barangay kapitan ng Salvacion at isa ring nurse.  “Pagpunta ko doon sa area ng Mariveles at Calamba, merong dalawang sugatan – isang nakahiga at isang naka-upo. ‘Yong isang naka-upo po is meron po siyang sugat dito po sa bandang right side ng kanyang forehead, ‘yong nakahiga naman is iniinda niya po ‘yong left side ng kanyang braso,” saad ni Bernardino.   Agad dinala sa pagamutan ang mga sugatan sa insidente, habang dinala naman sa traffic sector ng Quezon City Police District ang driver ng truck para sa imbestigasyon.Aminado ang Barangay Salvacion at San Isidro Labrador na madalas ang road crash sa naturang intersection.“Nagpalagay na po kami ng intersection box sa location but then still mukhang hindi po siya napapansin ng ating mga motorista,” saad ni Bernardino.“Nakikipag-coordinate po kami sa kabilang barangay na maglagay po ng warning sign na accident prone area o kaya maglagay ng maliit na humps sa kalye na iyan,” dagdag ni Jobert Hidalgo, kagawan ng Barangay San Isidro Labrador.

Sugatan ang dalawang magka-angkas sa motorsiklo nang sumalpok sa truck sa road intersection sa La Loma, Quezon City.

Sugatan ang dalawang magka-angkas sa motorsiklo nang sumalpok sa truck sa road intersection sa La Loma, Quezon City.