Marilyn Cahatol

Article (news)

<p>MAYNILA — Mahirap lisanin ang tahanang may karahasan, pero maraming pwedeng takbuhan ang mga victim-survivors ng violence against women and children (VAWC).</p><p>Ngayong taon, <a href="https://www.facebook.com/share/p/1FTW7PfU7v/">naitala</a> ng PNP Women and Children Protection Center (WCPC) ang 6,883 insidente ng pang-aabuso sa kababaihan sa bansa mula Agosto 26 hanggang Nobyembre 25.</p><p>Physical at sexual abuse ang madalas na natatanggap na ulat ng pulisya, samantalang economic abuse naman ang idinudulog sa Department of Social Welfare and Development (DSWD) at alternative lawyering group IDEALS, Inc.</p><p>Ilang halimbawa ng economic abuse ang hindi pagbibigay ng sustento sa asawa o pamilya, pagpigil sa kagustuhang mag-trabaho, at pagkait ng pagkakataong magkaroon ng financial freedom ang asawa.</p><p>Bukod pa rito ang emotional o psychological abuse tulad ng pangangaliwa at iba pang gawi na nagdudulot ng stress, trauma, anxiety, at iba pang uri ng psychological distress sa babae.</p><p>Lahat ng ito ay paglabag sa Republic Act No. 9262, o Anti-Violence Against Women and Their Children (VAWC) Act of 2004. Sa bisa nito, maaaring kasuhan ang asawa, live-in partner, boyfriend, ex-husband o ex-boyfriend, at kahit ang karelasyon online.</p><p>“Even kahit nga one night stand, basta mayroon kayong relasyon. Kung wala naman silang relasyon, papasok naman siya sa Anti-Rape Law (RA 8353),” ani QCPD Kamuning Station 10 Chief Investigator Maridel Frias.</p><p>Bilang pagdaraos sa 18-Day Campaign to End Violence Against Women, ipinagbibigay-alam sa publiko na maaaring dumulog sa pulisya, sa mga social workers, o sa mga non-government organizations (NGOs) ang mga victim-survivor ng domestic abuse.</p><div><a href="https://www.abs-cbn.com/news/nation/2025/1/22/psychological-evaluation-of-victim-not-required-under-anti-vawc-law-says-sc-1738">Psychological evaluation of victim not required under anti-VAWC law, says SC</a></div><div><br/></div><div><strong>PAANO MAG-FILE NG REPORT?</strong></div><p>Bukas ang mga ahensyang nakapaloob sa Inter-Agency Council on Violence Against Women and their Children (IACVAWC) para sa mga biktima ng domestic violence. Kasama rito ang PNP, Department of Social Welfare and Development (DSWD), Commission on Human Rights (CHR), Department of Health (DOH), at iba pa.</p><p>Kung may nais ipakulong, maaaring sadyain ang Women’s Desk ng malapit na istasyon ng PNP para sa in-person filing. Maaari ring tumawag sa mga numerong 911 at 122, sa mga localized <a href="https://pcw.gov.ph/violence-against-women-helplines/">VAWC hotlines</a>, at sa official social media pages ng pulisya. </p><p>Ayon kay Frias, sapat na ang pangalan at address sa mga online reports na siyang ipapasa ng Station Tactical Operations sa Women’s Desk ng istasyon. Bibisitahin o makikipag-ugnayan ang pulisya sa victim-survivor o sa nagsumbong upang kumpirmahin ang ulat at alamin ang kalagayan nito, nang sa gayon ay agad na mailayo mula sa kapahamakan kung sakali.</p><p>“Maaaring naka-detain siya o hindi siya pinapayagan na makalabas kaya hindi siya makapag-report,” ani Frias.</p><p>Kinakailangang pumunta ang mga biktima sa istasyon ng pulis upang pormal na makapagsumite ng salaysay na naglalaman ng mga sirkumstansya at ebidensya ng pang-aabuso sa imbestigador. </p><p>Isa sa mga admissible bilang ebidensya ang mga voice recordings na kuha mismo ng biktima habang nagaganap ang pang-aabuso kahit pa mayroong umiiral na RA 10173 o Data Privacy Act of 2012, dagdag ni Frias.</p><p>Kasunod nito ang referral ng pulisya sa government hospital para sa physical examination at sa mga social worker ng DSWD para sa psychosocial counselling. </p><p>Kalakip ang salaysay, medico legal, larawan, at iba pang mga ebidensya, pwede nang magsampa ng reklamo ang victim-survivor sa prosecutor’s office nang walang bayad.</p><p>Bukod sa pulisya ay pwede ring dumiretso ng ulat sa DSWD. Maraming serbisyo ang ahensya na tumutugon sa iba’t ibang pangangailangan ng mga biktima tulad ng medical, psychosocial and psychological intervention, educational services, at spiritual services. </p><p>Mayroon din itong centers at residential care facilities na pwedeng tuluyan ng mga at-risk victim-survivors, at sustainable livelihood program para sa mga nais magsimula muli.</p><p>May counselling services din ang DSWD para sa mga perpetrator ng domestic abuse.</p><p>“Kailangan na mabago natin ‘yong abusive behavior yung perpetrator [...] para mag-gear towards healing and huminto ‘yong cycle ng violence. We have a lot of cases na ganyan na naging change maker sila [...] Nag-improve ‘yong relationship nila bilang mag-asawa, and sila na rin ngayon nagtuturo doon sa mga kapwa nila sa barangay na papaano maging responsible partner,” ani DSWD Asec. Irene Dumlao.</p><p>May mga biktimang hindi nagsusumbong dahil sa takot na matunugan at magantihan lalo na kung ang asawa nila ay pulis o government official. Ito ang pagkakataon na mainam na sumangguni sa mga NGOs, ayon kay Atty. Ansherine Bacudio ng IDEALS, Inc.</p><p>Maaaring idiretso ang pagsasampa ng kaso sa CHR, Department of Justice (DOJ), o Office of the City Prosecutor. Suhestyon ni Bacudio na lumapit sa Public Attorney’s Office o sa mga lawyers’ group upang mailapat nang maayos ang salaysay.</p><p>“Kasi the burden of proof is on the part of the prosecution and then at the same time if mahina ang affidavit mo baka hindi sumampa yong kaso. So mas lalo lang mag-retaliate si husband kasi hindi siya naaresto, na-dismiss lang ang kaso against sa kanya,” dagdag niya.</p><p>Kung nakaranas naman ang mga biktima ng stigma o victim blaming nang magsumbong sa awtoridad, maaaring kasuhan ng administrative case ang nasabing opisyales sa CHR.</p><div><a class="fr-green fr-strong" href="https://www.abs-cbn.com/sports/2025/3/16/groups-launch-advocacy-run-to-end-violence-vs-women-children-1912">Groups launch advocacy run to end violence vs women, children</a></div><div><br/></div><div><strong>PAANO BUMOSES PARA SA MGA BIKTIMA?</strong></div><p>Dalawa lamang sa bawat limang kababaihang nabiktima ng pang-aabuso ang humihingi ng tulong, ayon sa Philippine Statistics Authority (PSA), kaya mahalaga ang gampanin ng mga saksi sa pagwaksi ng domestic violence.</p><p>Kung sakaling may kakilala o mahal sa buhay na biktima ng pang-aabuso, may karapatan ang isang taong magsumbong sa kinauukulan. Sa mata ng batas, kinikilala ang mga nakasaksi sa pang-aabuso, social workers, pulis, barangay officials, at VAWC desk officers na naguulat sa ngalan ng biktima.</p><p>Idiniin ni Frias na mahalagang makuha ang salaysay ng victim-survivor upang tumayo ang mga kaso ng domestic abuse. </p><p>Karagdagang payo ni Bacudio, hangga’t maaari ay idokumento ang lahat ng nalalaman tungkol sa sitwasyon tulad ng pagkuha ng litrato ng mga pasa at ibang injury, pagtala ng mga pangalan, pati na rin ang mga petsa kung kailan lumalapit ang kakilalang nakararanas ng pang-aabuso.</p><p>“What we want to establish is that this is a pattern, that this is not just one time,” dagdag niya. Makatutulong ang pagdodokumento, pagsusumbong, at pagpapa-blotter sa awtoridad upang maiwasan ang mga karaniwang legal loophole sa mga kaso ng VAWC.</p><div><a class="fr-green fr-strong" href="https://www.abs-cbn.com/news/nation/2025/11/24/corruption-affects-services-meant-to-protect-women-from-violence-groups-say-1111">Corruption affects services meant to protect women from violence, groups say<br/></a></div><p>Para kay Bacudio, lalong umiiral ang domestic violence dahil sa kulturang hindi dapat mangialam sa “away mag-asawa.&quot; Aniya, dapat nang wakasan ito sapagkat nakakampante lang ang nangaabuso.</p><p>“It&#x27;s not something very private na lalo na kung dumudugo, binubugbog na araw-araw niyong nakikita na ganito ang nangyayari.”</p><p>Malaking tulong rin ang mga support group sa mga victim-survivor tulad ng mga simbahan at women’s groups kaya pursigido ang lawyering group na IDEALS, Inc. sa pagpapalago ng women empowerment at pagbibigay kaalaman tungkol sa karapatan.</p><p>Awareness ang mabisang paraan upang unti-unting wakasan ang VAWC sa komunidad. </p><p>Ayon kay Frias, kapag mas mataas ang kaalaman ng kalakhan tungkol sa kanilang mga karapatan, hindi na matatakot ang kababaihan na mag-report o itigil ang siklo ng pang-aabuso at magdadalawang-isip na manakit ang kanilang mga asawa dahil alam nila ang kahihinatnan nila sa paglabag sa batas. <strong>— May ulat ni Rainer Dacuycuy</strong></p><div><br/></div><div><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/5Sw4V7kjv5Y?si=_LLr2Z8HXsxnCq06" title="YouTube video player" frameBorder="0" allowfullscreen=""></iframe></div>

<p>Mahirap lisanin ang tahanang may karahasan, pero maraming pwedeng takbuhan ang mga victim-survivors ng violence against women and children (VAWC).</p>

Mahirap lisanin ang tahanang may karahasan, pero maraming pwedeng takbuhan ang mga victim-survivors ng violence against women and children (VAWC).

Ano ang iba’t ibang porma ng domestic abuse at saan pwedeng dumulog ang mga victim-survivors?

News

Entertainment

Lifestyle

Sports

Metro.Style

More

Traffic

Manila

Horoscope

Nation

Ano ang iba’t ibang porma ng domestic abuse at saan pwedeng dumulog ang mga victim-survivors?

Mary Rose Maligmat,

ABS-CBN News Digital Intern

Published Dec 13, 2025 02:20 PM PHT

Read More:

VAWC

Domestic violence

Family

Household

Abuse

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.