Tovic Salvador

Article (news)

guro ipis

Eon Sanchez

ABS-CBN News

MAYNILA (UPDATED) — Arestado ang isang 52-taong gulang na guro sa loob ng isang pampublikong paaralan sa Tondo, Maynila matapos umanong saktan at piliting pakainin ng ipis ang isang 12-taong gulang na lalaking estudyante.Batay sa ulat ng Manila Police District–Delpan Police Station, bandang alas-5 ng hapon noong Disyembre 12, 2025 nang isilbi ang warrant of arrest sa suspek sa loob ng isang high school sa Tondo kung saan siya nagtuturo.Ayon kay MPD Public Information Officer PMaj. Philip Ines, naganap ang insidente noong Oktubre 15 matapos umanong mahuli ng 12-taong gulang na biktima ang guro na minomolestiya ang isang babaeng estudyante sa loob ng comfort room ng paaralan.Tinangka umanong tumakas ng bata ngunit nahabol at dinala muli sa loob ng CR, kung saan siya sinaktan at pinilit na pakainin ng ipis. Ayon sa pulisya, pinagbantaan din ng guro ang bata na papatayin siya kapag nagsumbong.“Tinakot siya nitong guro, pinagbantaang papatayin pag nagsumbong at according sa kanya, pinakain siya ng ipis,” ayon kay Ines.Sa kabila ng banta, agad na isinumbong ng bata ang insidente sa kanyang mga magulang at sa mga awtoridad na nagbunsod ng surveillance at follow-up operation laban sa guro.Isinagawa ang manhunt operation ng Warrant and Subpoena Section ng Delpan Police Station matapos magsampa ang biktima ng reklamong child abuse. Dahil sa kaso, nasa Top 3 Most Wanted list ng istasyon ang guro. Matapos ang pag-aresto, pansamantalang dinala ang suspek sa custodial facility ng Delpan Police Station pero nakapagpiyansa rin ito ng halagang P120,000 nitong Martes, Disyembre 16, 2025.Ayon pa sa MPD, ang batang complainant ay kasalukuyang sumasailalim sa intervention program ng Department of Social Welfare and Development (DSWD) dahil sa trauma na dulot ng insidente.Tinitingnan din ng mga awtoridad kung may pananagutan ang pamunuan ng paaralan kaugnay ng posibleng kapabayaan, habang maaari ring mauwi sa pagkakatanggal sa propesyon ang guro sakaling mapatunayang nagkasala.&quot;Unang-una, ito&#x27;y magiging dahilan ng pagkatanggal niya sa kanyang propesyon ng pagtuturo,&quot; sabi ni Ines.&quot;Titingnan kung meron nakita na pagpapabaya doon sa loob ng eskwelahan,&quot; dagdag niya. Samantala, hindi na aniya nagsampa ng reklamo laban sa guro ang umano&#x27;y estudyanteng babae na nakita ng batang pinakain ng ipis na minumolestiya ng guro.Nagsagawa na rin umano ng karampatang aksyon ang pamunuan ng eskwelahan hinggil sa insidente.

Arestado ang isang guro sa loob ng isang pampublikong paaralan sa Tondo, Maynila matapos umanong saktan at piliting pakainin ng ipis ang isang 12-taong gulang na babaeng estudyante.

Arestado ang isang guro sa loob ng isang pampublikong paaralan sa Tondo, Maynila matapos umanong saktan at piliting pakainin ng ipis ang isang 12-taong gulang na babaeng estudyante.

Guro arestado matapos umanong piliting pakainin ng ipis ang estudyante

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

Guro arestado matapos umanong piliting pakainin ng ipis ang estudyante

Eon Sanchez,

ABS-CBN News

Published December 17, 2025 08:07 AM PHT

|

Updated December 17, 2025 12:21 PM PHT

Read More:

Child Abuse

Delpan Police Station

Manila Police District

Republic Act 7610

Special Protection of Children Against Abuse

Exploitation and Discrimination Act

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.