Ched Rick Gatchalian

Article (news)

6 na pulis, sasampahan ng kaso dahil sa umano'y pagpapalit ng P13.5-M na ebidensya sa pekeng pera

Zyann Ambrosio

ABS-CBN News

MAYNILA — Anim na pulis mula sa Criminal Investigation and Detection Group ang nahaharap sa reklamong administratibo at kriminal matapos madiskubreng pinalitan umano nila ng boodle money ang ₱13.5 milyon na ebidensyang pera mula sa isang hinihinalang scam hub sa Bagac, Bataan.Ang nasabing halaga ay bahagi ng ₱141 milyon na nasamsam sa operasyon ng PAOCC at PNP-CIDG noong Oktubre 2024. Pagkatapos ibasura ng korte ang kaso, iniutos nitong ibalik ng CIDG ang lahat ng nakumpiskang pera.Ngunit nang i-turn over ng seizing officer na si Patrolman Christian Andaya ang kahon na naglalaman umano ng ₱13.5M, mga photocopy ng pera ang laman. Sa kanyang sinumpaang pahayag, inamin ni Andaya na pinaghati-hatian ng anim na pulis ang pera, umano’y utos pa ng nakatataas nilang opisyal.“Whether they deny it or not, the record will show they have something to do with that. It’s good that there is an admission on their part,” ayon kay acting PNP chief Lt. Gen. Jose Melencio Nartatez Jr.Sa report na isinumite kay PNP Chief at sa Napolcom, inilatag ni CIDG Acting Director PMAJ Gen. Robert Morico ang umano’y breakdown ng hatian. Aniya, “There was no proper turnover conducted by Lt. Col. Arandia… accordingly, he took the boxes of evidence to his house.” Itinanggi naman ito ni dating CIDG Anti-Organized Crime Unit head P/Lt. Col. Joey Arandia. “Yung hawak kong pera ay maayos na naiturn over — all accounted po,” paliwanag ni Arandia.Dahil sa insidente, inilagay sa restrictive custody ang anim na pulis habang nagpapatuloy ang imbestigasyon. May impormasyon din ang PNP na balak umanong isauli ng mga sangkot ang kinulimbat na pera.Ngunit ayon kay Napolcom Vice Chairperson Raffy Calinisan, hindi na ito sapat.  “Pinaghahatian n’yo nung nabisto, kaya isosoli to? You are still criminally liable.”Posibleng kaharapin ng mga sangkot ang kasong paglabag sa  Article 228 – Opening of Closed Documents, Falsification of Public Documents at Illegal Possession or Use of False Treasury or Bank Notes.

Nang i-turn over ng seizing officer na si Patrolman Christian Andaya ang kahon na naglalaman umano ng ₱13.5M, mga photocopy ng pera ang laman.

Nang i-turn over ng seizing officer na si Patrolman Christian Andaya ang kahon na naglalaman umano ng ₱13.5M, mga photocopy ng pera ang laman.

6 pulis sasampahan ng kaso dahil sa umano'y pagpapalit ng pekeng pera sa P13.5-M ebidensya

News

Entertainment

Lifestyle

Sports

Metro.Style

More

Traffic

Manila

Horoscope

Nation

6 pulis sasampahan ng kaso dahil sa umano'y pagpapalit ng pekeng pera sa P13.5-M ebidensya

Zyann Ambrosio,

ABS-CBN News

Published Dec 02, 2025 06:51 PM PHT

Read More:

CIDG

PNP

Bataan

Boodle money

Evidence

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.