Virgilio Lorenzo Jr

Babae nabiktima ng salisi gang sa QC; credit card ng biktima ginamit para makabili ng gadget

Article (news)

Lyza Aquino

ABS-CBN News

Arestado ang isang babae na miyembro umano ng isang salisi gang matapos mambiktima ng customer sa loob ng isang mall sa Quezon City.Sa kuha ng CCTV sa loob ng isang ice cream shop sa mall, kita ang babaeng biktima na kasama ng kanyang anak habang sila ay abala sa pagbili ng ice cream. Kalaunan ay napalibutan na sila ng tatlong babae. Ang isa sa mga babaeng suspek makikita na tinakpan pa ng jacket ang bag ng biktima bago dahan dahan kinuha ang wallet at cellphone sa loob ng bag.Doon nagmadaling lumabas ng establishment ang mga suspek.Kwento ng asawa ng biktima, katatapos lamang nilang kumain nang mangyari ang krimen.&quot;Humiwalay ako kasama ‘yung dalawang dalaga kong anak. Pumunta kami sa upper level ng mall, tumingin ng cellphone sana. And then naiwan ‘yung misis sa baba at ‘yung bunso namin, dahil ‘yung bunso nagpabili ng ice cream,&quot; sabi ng asawa.&quot;Nagulat na lang ako noong tinawagan ako ni misis habang nandoon kami sa opisina ng isang telco. Sabi nga niya, nadukutan siya. Buti na lang ‘yung isang spare phone niya hindi nakuha. Natawagan niya ako kaagad,&quot; dagdag niya.Ayon pa sa asawa ng biktima, agad silang tumawag sa mga bangko para mareport ang nangyari at ma-deactivate ang credit cards, pero nagamit na ito agad ng mga kawatan.&quot;Nagkaroon din siya ng presence of mind to call ‘yung kanyang, ‘yung primary bank kaagad. And then doon din namin nalaman na, while we were having that conversation, not 15 or 20 minutes after the incident, ginagamit na yung credit card kaagad to purchase a gadget, dito sa isang mall, sa may Pasig-Cainta area, sa may Marcos Highway,&quot; sabi ng asawa.Ayon kay Police Major Jovencio Solis Jr., Deputy Station Commander ng QCPD Station 7, natunton ng mga biktima ang isa sa mga suspek sa labas ng mall, at agad din nakahingi ng tulong sa mga nagpapatrolyang pulis para maaresto ang kawatan.&quot;Napansin na lang niya na nawala ‘yung wallet niya at saka ‘yung cellphone. Hanggang sa napansin niya ‘yung babae na hinanap niya, nakita siya na nandoon sa may Aurora Boulevard.  Sakto may pulis na nagpapatrolya at doon siya humingi ng tulong kaya naaresto ang suspek,&quot; sabi ni Solis.Pinaghahanap naman ngayon ng mga pulis ang dalawa pang kasabwat ng suspek. Lumabas sa imbestigasyon ng pulisya na miyembro ng isang salisi gang ang mga babae at modus nila ang mambiktima sa mga matataong lugar gaya ng mga mall.&quot;Parang isang grupo sila, dinidistract niya ‘yung victim para magkaroon sila ng chance na makuha ang gamit [niya],&quot; dagdag ni Solis.Hindi na nabawi ng awtoridad ang cellphone ng biktima at wallet na may lamang 5,000 pesos at mga credit card. Nakipagugnayan na rin sa Anti-Cybercrime Group ang biktima lalo na&#x27;t nagamit na rin ng mga suspek ang kanyang mobile banking apps at hindi na niya maaccess ang kanyang social media accounts.&quot;Narealize din ni misis nung medyo gumagabi na, nasa police station din kami noon, na yung mga google accounts niya hindi na rin niya ma-access, along with her social media. Medyo nakakakaba lang kung ano ‘yung pwede mangyaring because they have the identity of my wife,&quot; sabi ng asawa.Itinanggi naman ng suspek ang mga alegasyon.May paalala naman ang mga awtoridad sa publiko para maiwasang mabiktima ng ganitong modus:&quot;Maging aware tayo sa mga taong nasa paligid natin lalo ‘yung mga hindi natin kilala saka isecure natin ‘yung gamit natin. Iwasan din natin ‘yung crowded place kasi nagkakaroon sila ng chance na makasalisi,&quot; paalala ni Solis.Nahaharap sa reklamong theft ang suspek.<div><iframe width="640" height="360" src="https://www.youtube.com/embed/5b4OLWWmhYk?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>

Arestado ang isang babae na miyembro umano ng isang salisi gang matapos mambiktima ng customer sa loob ng isang mall sa Quezon City.

Arestado ang isang babae na miyembro umano ng isang salisi gang matapos mambiktima ng customer sa loob ng isang mall sa Quezon City.