Maria Virginia Sy

Dalawa patay, tatlo nawawala sa sunog sa Barangay San Isidro, Quezon City

Article (news)

Francis Orcio

ABS-CBN News

Dalawa ang kumpirmadong patay habang tatlo ang pinaghahanap sa sunog sa tatlong palapag na bahay sa Barangay San Isidro, Quezon City, pasado alas dos ng madaling araw nitong Huwebes, ika-25 ng Pebrero, 2025. Sa video na kuha ng Iverson Fire Rescue Volunteer Brigade, kita ang nagngangalit na apoy at makapal na usok na bumalot sa paupahang bahay. Ayon sa Bureau of Fire Protection- Quezon City, itinaas sa unang alarma ang sunog kung saan aabot sa 12 fire trucks ang rumesponde. Hindi na kumalat sa mga katabing bahay ang sunog na naapula mag-a-alas tres ng madaling araw. Dagdag pa ng BFP-QC, natagpuan nila sa may hagdanan sa unang palapag ng bahay ang dalawa sa mga nasawi sa sunog. &quot;Ito pong lugar na ito ay paupahan at meron po kaming nakita na dalawang bangkay sa ground floor, at meron pa po tayong hinahanap na tatlo,&quot; sabi ni Senior Fire Officer 4 Rolando Valeña ng BFP Quezon City. Kuwento ni Jophel Somosa, isa sa mga nakaligtas mula sa nasunog na bahay, natutulog sila kasama ang iba pang kaanak nang mangyari ang insidente. Lahat sila ay nakaligtas mula sa sunog. &quot;Doon po ako nakatira... sa pinakadulo po ng second floor. Buti po ginising ako ng bayaw ko. Binalikan lang ako. Paggising ko ang lakas na po ng apoy sa baba,&quot; saad ni Somosa, nasunugan. Kwento naman ni Trina Dawal, isa sa mga residente, nakarinig siya nang malakas na pagsabog habang natutulog. &quot;Kumurap po ng dalawang beses iyong ilaw tapos iyong aircon ko huminto. Tapos maya-maya may sumisigaw na parang &#x27;may sunog, may sunog.&#x27; Akala ko po may nag-aaway lang kasi sobrang lakas ng putok talaga,&quot; sabi ni Dawal. Patuloy pang inaalam ng BFP ang pagkakakilanlan ng dalawang nasawi. &quot;Sa kasalukuyan po, inaalam pa po natin kung ano yung posibleng pinagmulan at kung saan nanggaling yung apoy,&quot; saad ni Valeña.

Dalawa ang kumpirmadong patay habang tatlo ang pinaghahanap sa sunog sa tatlong palapag na bahay sa Barangay San Isidro, Quezon City, pasado alas dos ng madaling araw nitong Huwebes, ika-25 ng Pebrero, 2025.

Dalawa ang kumpirmadong patay habang tatlo ang pinaghahanap sa sunog sa tatlong palapag na bahay sa Barangay San Isidro, Quezon City, pasado alas dos ng madaling araw nitong Huwebes, ika-25 ng Pebrero, 2025.