Daven Tamayo

100 Pinoy, 1 Chinese timbog sa 'love scam' na gumagamit ng AI

Article (news)

love scam

Karen De Guzman

ABS-CBN News

MANILA -- Sinalakay ng National Bureau of Investigation (NBI) ang umano’y love scam hub sa isang condominium sa Makati City nitong Martes.Naaktuhan mismo ni NBI Director Jaime Santiago ang paggamit ng mga kawatan sa artificial intelligence (AI) para makapanlinlang ng kanilang mga biktima.“Napakadelikado at ‘yung AI nagagamit sa kasamaan,” sabi ni Santiago.Ayon sa isa sa mga nahuling Pinay, may mga babaeng modelo sila na kinokopya ang mga itsura sa pamamagitan ng AI image generator.Aminado siya na iligal ang ginagawa pero sinabing nakikipag-usap lang sila sa mga dayuhan.“Ako ‘yung kumakausap sa mga client through video call. Sa iba-ibang client, iba-ibang model ang gamit. Kadalasan, kakamustahin lang tapos tutuloy na sa chat,” sabi niya.Tumambad sa mga operatiba ang mga cellphone at mga computer na may mga script na ginagamit nila sa panloloko.Higit 100 Pinoy at isang Chinese na sinasabing supervisor ng mga empleyado ang naaresto sa operasyon.“Pagka-believe na sa kanila ‘yung mga tao, magpapa-open sila ng crypto account. Makukuha na nila ‘yung pera ng tao,” sabi ni Santiago.“Valentine’s Day is fast approaching. Itong mga dating app na ‘to— ‘yung mga kabababayan natin, ingat kayo. Baka madali kayo,” dagdag niya.Hinihinalang galing umano ang mga ito sa mga iligal na POGO na lumipat sa mas maliit na operasyon.“Ito ‘yung remnant ng POGO operations. The principals left already and these people were left to continue in fraudulent schemes,” sabi ni NBI NCR Regional Director Ferdinand Lavin.“They still have the systems in place. They continue to rent the facilities, they have the equipment. Sila lang ang lumabas, the personnel are still here,” sabi niya.Mahaharap sila sa mga reklamong paglabag sa Anti-Financial Account Scamming Act (AFASA) at paglabag sa Cybercrime Prevention Act of 2012.Pinag-aaralan din ng NBI ang pagsampa ng reklamong identity theft dahil gumagamit sila ng ibang personalidad.Samantala, iimbestigahan ang may-ari ng naturang condominium sa pagpapahintulot na mag-operate ang scam hub.

Sinalakay ng National Bureau of Investigation (NBI) ang umano’y love scam hub sa isang condominium sa Makati City nitong Martes.

Sinalakay ng National Bureau of Investigation (NBI) ang umano’y love scam hub sa isang condominium sa Makati City nitong Martes.