Geline Salac

Suspek tinangay ang motorsiklo ng babae na bumibili sa botika

Article (news)

Ninakawan habang bumibili 0

Ninakawan habang bumibili 1

Ninakawan habang bumibili 2

Christopher Sitson

ABS-CBN News

Arestado ang isang 25-anyos na lalaki matapos tangayin ang motorsiklo ng isang 19-anyos na babae sa labas ng isang botika sa Sta. Cruz, Maynila, nitong Sabado ng hapon, February 1, 2025.Sa imbestigasyon ng PNP napag-alamang bibili sa isang botika ang biktima nang maiwan nito ang susi sa motor. Dito na sinamantala ng suspek ang pagkakataon para tangayin ang motorsiklo.&quot;&#x27;Yung biktima po namin naiwan &#x27;yung susi sa motor. Nung papasok pa lang siya naalala niya agad na wala pala &#x27;yung susi niya. Kaya daling bumalik siya agad sa motor niya. Doon nakita na niya na-start na, papatakbo na &#x27;yung motor. Dun siya nagsisigaw, at nakuha naman ang atensyon namin,&quot; sabi ni Police Major Arnold Lising, Alvarez Police Community Precinct Commander. Nagpapatrolya ang mga pulisya sa lugar nang mangyari ang insidente kaya mabilis na tinugis ang kawatan. Hinabol ng awtoridad ang suspek na sinubukan pang tumakas.&quot;Habang nagco-conduct kami ng anti-criminality campaign sa may kahabaan ng Fugoso Street, may narinig po kaming babae na humihingi ng tulong na kinuha raw &#x27;yung motor niya. Habang hinuhuli po namin nakatakbo po &#x27;yung suspek. Iniwan niya &#x27;yung motor nagkaroon kami ng mahabang habulan mula sa Fugoso Street. Kumaliwa siya sa P. Guevarra, doon na namin inabutan &#x27;yung suspek. Nakuhaan na rin namin siya ng baril habang kinakapkapan doon sa lugar,&quot; sabi ni Police Major Arnold Lising, Alvarez Police Community Precinct Commander.Dati na rin nakulong ang suspek matapos masangkot sa ilegal na droga at pagsusugal.Nabawi sa suspek ang motorsiklo, nakumpiska rin sa kanya ang isang baril na may mga bala.Nagpaalala naman ang PNP sa publiko na magdoble-ingat sa pag-parada ng motorsiklo.&quot;Kahit gaano po tayo ka-busy maging responsible po tayo doon sa mga kagamitan natin. Huwag po natin basta-basta iiwan at i-lock po natin &#x27;yung mga motor natin kahit dala natin &#x27;yung mga susi,&quot; sabi ni Lising.Nasa kustodiya na ng Sta. Cruz Police Custodial Facility ang suspek na nahaharap sa kasong paglabag sa New Anti Carnapping Law, Comprehensive Firearms and Ammunition Regulation Act at Omnibus Election Code.

Arestado ang isang 25-anyos na lalaki matapos tangayin ang motorsiklo ng isang 19-anyos na babae sa labas ng isang botika sa Sta. Cruz, Maynila, nitong Sabado ng hapon, February 1, 2025.

Arestado ang isang 25-anyos na lalaki matapos tangayin ang motorsiklo ng isang 19-anyos na babae sa labas ng isang botika sa Sta. Cruz, Maynila, nitong Sabado ng hapon, February 1, 2025.