Tovic Salvador

Senior citizen na suspek sa panggagahasa timbog matapos kumuha ng police clearance

Article (news)

Christopher Sitson

ABS-CBN News

Arestado ang isang senior citizen na itinuturing na most wanted person sa buong lalawigan ng Rizal dahil sa kasong attempted rape. Naaresto ang 67-anyos na suspek matapos niyang kumuha ng police clearance sa Angono Municipal Police Station nitong Martes ng hapon, February 4, 2025.&quot;Kumuha siya ng police clearance, and from there nakita ng ating clearance personnel na may existing warrant, kaagad siyang inaresto,&quot; sabi ni PCol. Felipe Maraggun, Provincial Director ng Rizal Police Provincial Office.Sa imbestigasyon ng PNP, nagtangka ang suspek na gahasain ang 16-anyos na pamangkin ng kanyang kaibigan noong 2015.&quot;Base doon sa facts na na-gather, dinala niya sa motel ang biktima, nakatakas, nakipaglaban. Ni-report sa pulis and from there na-file-an siya ng kasong attempted rape,&quot; sabi ni PCol. Maraggun.Ayon sa suspek, kukuha siya ng police clearance para mag-apply bilang taxi driver. Hindi niya rin umano alam na may isinampang kaso laban sa kanya.Depensa niya, pumayag noon ang menor de edad na sumama sa kanya sa motel. &quot;Pagdala ko roon, pakainin ko raw siya. Pinakain ko naman. Hindi ko ho tinangka, ginanon ko lang ho siya sa balikat. Nagsisigaw na &#x27;yung bata, &#x27;nire-rape mo ako! &#x27;Di kita nire-rape huy,&quot; pahayag ng suspek.Hawak na siya ng Angono Police Custodial Facility at nahaharap sa kasong attempted rape na may inirekomendang piyansa na P120,000.

Naaresto ang 67-anyos na suspek matapos niyang kumuha ng police clearance sa Angono Municipal Police Station nitong Martes ng hapon, February 4, 2025.

Naaresto ang 67-anyos na suspek matapos niyang kumuha ng police clearance sa Angono Municipal Police Station nitong Martes ng hapon, February 4, 2025.