Ched Rick Gatchalian

Generic thumbnail for jail. Jail thumbnail

Article (news)

Negosyante sa Marikina arestado matapos gumamit ng pekeng PWD card

Dennis Datu

ABS-CBN News

<p>MAYNILA -- Sa kulungan ang bagsak ng isang 50 taong gulang na lalaking negosyante matapos maaresto sa paggamit ng pekeng person with disability (PWD) card sa mismong tanggapan ng Marikina City PWD Affairs Office nitong Biyernes. </p><p>Ayon kay PCpt. Julius Criste, public information officer ng Marikina City Police, tumawag ng pulis ang staff ng PWD Affairs Office matapos makumpirma na peke ang bitbit na PWD card ng suspek na nakapangalan sa kaniya.</p><div><a class="fr-green fr-strong" href="https://www.abs-cbn.com/news/nation/2025/2/6/3-sangkot-sa-pamemeke-ng-pwd-ids-arestado-1200">3 sangkot sa pamemeke ng PWD IDs, arestado sa Maynila</a> </div><p>Ayon kay Cpt. Criste, una muna ay tumawag umano sa PWD Affairs Office ang suspek para alamin kung lehitimo ang kaniyang PWD card na ibinigay umano ng kaibigan. </p><p>Pero sinabihan umano ang suspek ng staff ng PWD Affairs Office na personal na lamang na magtungo. </p><p>Pagdating ng suspek sa PWD Affairs office, doon na natuklasan na peke nga ang PWD card nito kaya agad siyang ipinaaresto. </p><p>Ayon sa mga otoridad, may intention umanong manloko ang suspek dahil wala naman talaga itong kapansanan.</p><div><a class="fr-green fr-strong" href="https://www.abs-cbn.com/news/nation/2024/12/5/gatchalian-gov-t-lost-p88-b-in-2023-due-to-fake-pwd-ids-1725">Gatchalian: Gov’t lost P88-B in 2023 due to fake PWD IDs</a> </div><p>Residente rin umano ng  Makati City ang suspek pero sa kaniyang PWD card ay nakalagay na taga-Marikina siya. </p><p>“Dito po nakita ng taga PWD office natin na wala po anumang record na nakatala sa ganoong pangalan at kinumpirma rin po nila na peke itong ID,“ sabi ni Criste. </p><p>“And even yung nakalagay po sa ID nya na siya po ay isang orthopedic disability is wala rin po sa character ng suspek na mayroon siyang kapansanan,” dagdag pa ni Criste. </p><p>Inamin din umano ng suspek na ilang beses na niyang nagamit ang pekeng  PWD card sa mga restaurant. </p><p>“Kahit sabihin natin na totoo o legit yung ibinigay sa iyo na card, kung wala ka naman sa sarili mo na kapansanan, doon pa lang magdadalawang isip ka na,” sabi pa ng tagapag-salita ng Marikina City Police.</p><div><a class="fr-green fr-strong" href="https://www.abs-cbn.com/news/business/2024/12/12/sale-use-of-fake-pwd-ids-is-tax-evasion-bir-1609">Sale, use of fake PWD IDs is tax evasion: BIR</a> </div><p>Nakakulong na ang suspek na nahaharap sa kasong falsification of public document.</p>

<p>Sa kulungan ang bagsak ng isang 50 taong gulang na lalaking negosyante matapos maaresto sa paggamit ng pekeng person with disability card o PWD card sa mismong tanggapan ng Marikina City PWD Affairs Office nitong Biyernes.</p>

Sa kulungan ang bagsak ng isang 50 taong gulang na lalaking negosyante matapos maaresto sa paggamit ng pekeng person with disability card o PWD card sa mismong tanggapan ng Marikina City PWD Affairs Office nitong Biyernes.