Tovic Salvador

'Parang tinratong basura': Tanim-bala balik sa NAIA?

Article (news)

David Dizon

ABS-CBN News

Viral ngayon sa social media ang kwento ni Ruth at Cai Adel matapos umanong malapit na mabiktima ng tanim bala sa Ninoy Aquino International Airport Terminal 3 noong Huwebes, Marso 6. Sa kanyang sanaysay, nagmamadali si Ruth at Cai kasama ang isang pasahero para umabot sa kanilang flight papuntang Vietnam noong Huwebes.Ani Cai, nauna ang kanyang 69-anyos na nanay na ma-scan ang kanyang mga bagahe at handbag dahil nakapila ito sa linya ng mga senior citizens.Wala namang nakita o nag-alarm są scanner matapos dumaan ang mga bagahe.Nagtagal pa ng ilang sandali ang dalawa dahil hinintay pa nilang matapos ang kanilang kasama.Matapos nito, tumakbo na sila papunta sa kanilang boarding gate para hindi maiwan ng eroplano.Pagdating sa boarding gate, bumili muna ng tubig si Cai dahil napagod ang ina.Dito na sila nilapitan ng isang babae sa security ng NAIA na nagsabing may nakitang “anting-anting” sa bagahe ni Ruth. “Meron lumapit sa amin, ang sabi, ‘May nakita kami diyan sa bag ninyo.’ Nakaturo sa luggage. Ang sabi anting-anting daw po. Tumatawa pa siya nung sinasabi. Hindi mo iisipin na officer kasi tumatawa pa siya. Ang sabi ng mother ko, ‘Anong anting-anting? Wala kaming anting-anting.’ Ang sabi basyo,” ani Cai.Sa kanyang viral post, sinabi ng babaeng security na kailangang dalhin ang mga bag ni Ruth sa ibang lugar para mahalughog.Hindi pumayag si Cai at sinabing kailangang gawin nila ang paghalughog duon mismo sa boarding gate dahil baka maiwan sila ng eroplano.Ayon kay Cai, hindi magkatugma ang sinasabi ng babaeng officer at kanyang supervisor dahil sinabi ng officer na nasa loob ng luggage ang anting-anting habang ang sinasabi ng supervisor ay nasa handbag ang basyo.Hindi muna inilagay ni Cai sa Facebook ang video ng sagutan ng dalawa. Nagtataka din si Ruth dahil ang ipinakitang picture ng umano’y bag na may anting-anting ay may lamang susi kahit na wala namang susi ang kanyang bag.Wala namang nakita na anting-anting o bala sa gamit ni Ruth.Ani Cai, hindi nagpaumanhin ang mga opisyal ng NAIA security dahil sa abala.“Hindi nag-sorry. Siguro kung nakipag-usap ng maayos, bakit nila nagawa ‘yun. Tawad lang po. tinawanan pa kami. Feeling namin na-discriminate, parang tinratong basura kami sa sariling bayan,” aniya.Dagdag niya, naging hysterical ang kanyang nanay hanggang sa pagsakay ng eroplano.Ayon kay Cai, nakuha nila ang mga pangalan ng officers na humalughog sa kanilang mga gamit.“Binibigyan namin sila ng chance para makipag-usap sa amin,” aniya.Dagdag niya: “Explanasyon lamang ang inaantay namin sa kanila. Hindi namin ini-expect na lalaki ng sobra kasi sa amin, tourist awareness lang po para makapag-ingat ‘yung ibang kapwa senior citizen at kapwa biyahero namin.”

Viral ngayon sa social media ang kwento ni Ruth at Cai Adel matapos umanong malapit na mabiktima ng tanim bala sa Ninoy Aquino International Airport Terminal 3 noong Huwebes, Marso 6.

Viral ngayon sa social media ang kwento ni Ruth at Cai Adel matapos umanong malapit na mabiktima ng tanim bala sa Ninoy Aquino International Airport Terminal 3 noong Huwebes, Marso 6.